Тыа хаһаайыстыбатын сүөһү иитиитин уонна боруодатын дьыалатыгар департамент иһитиннэрэринэн, бу сайын 12,4 тыһ. сүөһүлээх 180 сайылык үлэтин саҕалаабыт. Билиҥҥи туругунан бары хаһаайыстыбаларга 73401 ынах төрөөбүт, ааспыт сыл түмүгэр - 100,5 % тэҥ. Уопсай төрүөх ынах 73,1 % төрөөтө, ааспыт сыл түмүгүнэн - 73,6.
Маны таһынан, бу сайын саҕаланыыта 11336 тыһаҕас баарыттан 7049 төрөөн, ынах ахсааныгар киирдэ.
Онтон сылгы ахсаана 184,4 тыһ. тэҥнэһэр. Ааспыт сылтан - 4,1 тыһ.төбөнөн элбэх.
Бүгүҥҥү күн туругунан сылгы төрөөһүнэ 43596 төбөҕө тэҥ. Бу туһунан СИА суруйар.
