Кэлиҥҥи кэмҥэ дьон бэйэлэрин бас билиилэригэр сир-уот ылынан, чааһынай дьиэ туттар буолла. Үгүс киһи куорат таһынааҕы нэһилиэктэргэ болҕомтотун уурар. Буолумуна даҕаны, өрөспүүбүлүкэбит килбэйэр кииниттэн аҕыйах көстөөх сиргэ сытар, асфальт суоллаах, кырдьык даҕаны, ыксаабыт киһи онтон да сылдьан үлэлиир кыахтаах.
Ону таһынан, онно саха оҕото нэлэһийэ сытар сыһыыларга көҥүл көччүйэрэ, сибиэһэй салгынынан тыынара, тыа сириттэн туох да атына суоҕа таптыыр төрөппүттэр таба тайаныылара сыттаҕа. Өрөспүүбүлүкэ олохтоохторо бары кэриэтэ Хатас, Тулагы, Сыырдаах, Кангалас, Жатай сирдэригэр дураһыйаллар да сир иэннээх, киһи киэлилээх буолар.
Били «Москуба эрэһиинэ буолбатах»-диэбиккэ дылы, кинилэр да усталарынан-туораларынан барар кыахтара суох эбит. Ол курдук, Тулагы нэһилиэгин бүүс-бүтүннүү тута сатаан баран, Абааһылаах сир диэн сыһыыны эмиэ дэриэбинэ оҥорорго быһаарыммыттар. Ол сири, олохтоохтор кэпсииллэринэн, хайа эрэ нуучча киһитэ барытын атыылаһан ылан баран, тоҕус дьиэни туттарбыт, кэлин атыылыам дии санаатаҕа дуу бука? Өссө даҕаны хас да дьиэ туттарар санаалааҕа эбитэ үһү даҕаны, онус дьиэтин тута сырыттаҕына Абааһылаах сирбит сэтин-сэппэнин көрдөрөн улаханнык куттаталаабыт дииллэр. Түүҥҥү харабылы хаста да дьиэ иһиттэн соһон таһааран таһырдьа быраҕатталаабыт, тутулла турар дьиэни көтүрэ-көтүрэ бүүс-бүтүннүү тамнааттаан кэбиһэр үһү. Онон бу дьон төһө даҕаны харчыга харахтара хатаннар, тутууттан аккаастанарга күһэллибиттэр. Арай, «туһата» суох сири атыыласпыт абаларыгар буолан, билигин дьоҥҥо олох чэпчэки сыанаҕа атыылыы сылдьаллар үһү,-диэн кэпсиир этэрбэс араадьыйата.
Чэ, ким итэҕэйэр итэҕэйдин, итэҕэйбэт итэҕэйбэтин. Ол эрэн тыала суохха мас хамсаабат, Тулагы диэки сир-уот ылаары соруннаххытына, тугун-ханныгын ыйыталаһар буолаарыҥ дуу.
Комментарии
Сообщение:
Отправить Отмена
-
10.172.66.22220.07.10 19:22 Автор: 123
-
10.173.65.10821.07.10 09:13 Автор: as
-
91.185.234.19721.07.10 12:06 Автор: Кэрэ ан,аар
-
10.174.16.25121.07.10 12:12 Автор: Zarky
-
10.160.34.23321.07.10 17:00 Автор: 007
-
10.174.116.522.07.10 10:27 Автор: 888
-
77.242.0.5423.07.10 10:15 Автор: Семеон
-
10.174.116.523.07.10 18:27 Автор: 888
-
10.160.42.13405.10.10 13:44 Автор: том
↑ наверхБу дьиэлэр ханан баалларый? Куораттан барыыга ханас, Сыырдаах утурытынан? сана хас да дьиэ турбуттара ыраатта, тыа хаhаайыстыбатын улэhиттэригэр туппуттара дииллэрэ, олор дуо?
кумахтаахха что ли ?
мин итэ5эйэбин...итинник сирдэр кырдьык баалларын... онон ыксаан чэпчэкигэ атыылыр буоллахтарына ыйыталаъан баран ылар баара...
аааа тох туhунан кэпсээн эрэ, а то аа5арбын сурэ5элдьиибин
Бааллара эбитэ буоллар бу Сахабыт айыл5атын алдьатааччылары,сирин баайын ылаачылары сордуо этэ дии!
Кырдьык итинник сир Тулагыга баар.
Сана оскуола утары суол нонуо турар дьэ, абааhыта суох ини?
Ол эргэ умайбыт оскуола сирэ буолла5ына киьи унуохтара бааллар дииллэр этэ кырдьа5астар.
озуоба Николаевка5а баар,отой илэ, среди дня баар этэ 1970-с сыл-га