Өлүөхүмэҕэ буолар спортивнай оонньуулар буолаллара аҕыйах бириэмэ хаалла. Ол да буоллар өрөспүүбүлүкэ спордун салайааччылара аныгыскы оонньуулар ханна буолалларын хайы-үйэ толкуйдуу сылдьаллар.
Олохтоох муниципальнай тэриллиилэргэ Саха сирин спордун кэмитиэтэ эрдэттэн куонкурус биллэрбитэ. Бу нэдиэлэҕэ кэмитиэт мунньаҕар хайа улуус куонкуруска кыайбыта биллиэ. Нам, Таатта уонна Амма улуустара куонкуруска эрдэттэн сайаапка биэрбиттэрэ. Тэрийээччилэр кэпсээбиттэринэн, ирдэбил бары улуустарга элбэх. Ол гынан баран саамай улахан ирдэбилинэн - 3000 тыһыынча киһини аһатар-сиэтэр, толору хааччыллыылаах сир наада эбит.
Транспорт сылдьар схемата эмиэ сатабыллаах буолуохтаах. Кыайбыт улууска спорт төһө сайдыылааҕа, төһө элбэх киһи спордунан ситиһиилээхтик дьарыктанара – ити курдук түгэннэр эмиэ учуоттаныахтара. Үгэс курдук, эбии спортивнай тутуулар кыайбыт улууска ыытыллыахтара. Ол да буоллар бүтэһик тылы кэмитиэт кэнниттэн өрөспүүбүлүкэ аҕа баһылыга этиэҕэ. Онон Саха сирин спорду таптааччылара хайдах быһаарыы тахсарын кэтэһэллэр. Сотору хайа улуус аныгыскы спортивнай оонньуулар хаһаайына буолара биллиэ.
Комментарии
Сообщение:
Отправить Отмена
-
213.129.58.21524.07.10 11:41 Автор: Кэтэриинэ
↑ наверхБэгэЧээ Элуэхумэ спортивнай оонньуутун открытиятыгар хаЧаайыннар командалара 20 эрэ спортсменнар парадка кыттыбыттар дии позор!!!!! Ханна стадион суох улууЧугар аныгы спортивнай оонньууну ыытар сэптээх буолуо дии саныыбын оччого эрэ эдэрдэрбит ЗОЖ-ка тардыстыа этилэр Тренердэр хамнастарын урдэтэр кэм кэллэ дии саныыбын инники олох тупсарын туЧугар