Бэҕэһээ, от ыйын 22 күнүгэр, Арассыыйа кылаабынай санитарнай бырааһа Геннадий Онищенко эмиэ саҥа быраабыла киллэрдэ. Бу сырыыга парикмахерскай уонна косметическай өҥөлөрү оҥорор сирдэргэ, онно эбии тату уонна пирсинг оҥорор салоннарга.

Онно сылдьар дьон гепатит уонна ВИЧ ыарыылары хаппаттарын туһугар үлэһиттэр кичэйэн туран ыраастананыахтаахтар. Атын дьону харыстыырга улахан болҕомто ууруохтаахтар. Өскөтүн быттаах иҥин киһи кэллэҕинэ туох баар инструменнарын аналлаах суурадаһыннарынан сууйуохтаахтар. Быттаах баттаҕы хомуйан ылан уматыахтаахтар. Хас биирдии клиент иннинэ илиилэрин сууналлара эмиэ ирдэнэр буолбут. Үлэ миэстэтигэр аһыыр, табахтыыр отой да бобуллубут. Өссө да ити курдук сыһыаннаах быраабылалар бу атырдьах ыйын бастакы күнүттэн олоххо киириэхтээхтэр. Итинник ирдэбиллэр киирдэхтэринэ, парикмахерскайдарга уонна салоннарга сылдьар үчүгэй уонна арыый куттала да суох буолуо этэ.

kyym.sakha.ru
23.07.2010 12:28 | оригинал статьи | просмотров: 22002