Бэҕэһээ, от ыйын 22 күнүгэр, Саха сирин баһылыга Егор Борисов Сааскылаах орто оскуолатын быйыл кыһыл көмүс мэтээлинэн бүтэрбит Роза Борисованы кытта көрүстэ.
Оруобуна биир ый анараа өттүгэр президиэн оскуоланы туйгуннук бүтэрбит оҕолору кытта көрсүбүтэ. Кинилэр боппуруостарыгар эппиэттээбитэ, оҕолордуун өйдөбүнньүк буоларын курдук хаартыскаҕа түспүтэ, инники олохторугар алҕаабыта. Онно Роза халлаан куһаҕан буолан, самолет көппөккө, киин куоракка итинник улахан түгэҥҥэ кыайан кэлбэккэ хаалбыта. Кыыс котоку төһөлөөх хомойбутун бэйэтэ билэрэ буолуо… Хата, дьон сүбэлээн кини президиэҥҥэ суруйбут. Ону Егор Афанасьевич оҕо көрдөһүүтүн быһа гыммата. Бэҕэһээ быыс-арыт буолан Розалыын көрүстэ. Хаартыскаҕа түстүлэр, ирэ-хоро кэпсэттилэр.
Оскуоланы туйгуннук бүтэрбит кыыс Хотугулуу-Илиҥҥи федеральнай университекка журналистика үөрэҕэр туттарса сылдьарын кэпсээтэ. Уруккуттан бу идэҕэ уһуйуллуон баҕарар эбит. Олоххо туруорбут сыалларын-соруктарын хайаан да бэйэтэ ситиһэ сатыырын эттэ. Президиэн Розаҕа олох очурдарыттан чаҕыйбакка сылдьарыгар уонна салгыы ситиһиилэри баҕарда.
Комментарии
Сообщение:
Отправить Отмена
-
10.177.70.5526.07.10 08:30 Автор:
↑ наверхне, просто вы сами в силу своего ущербного воспитания не можете понять, что это нормально в титульных республиках преподавать и распространять титульный язык, во всех цивилизованных странах такое практикуется и у нормальных людей не возникает по этому поводу никаких проблем.