От ыйын 30 күнүгэр ыччат, оҕо аныгы култууратын «ЗОЖ-игай вместе с нами» өрөспүүбүлүкэтээҕи бэстибээлэ төрдүс төгүлүн ыытыллар. Санаттахха, үс төгүл бу бэстибээли «Ситим» медиа-бөлөх уонна «Молодежь Якутии» хаһыат тэрийэн ыыппыттара. СӨ вице-бэрэсидьиэнэ Д.Глушко манна сыһыаннаах дьаһал таһаарбыта. Ол быһыытынан, тэрийэр хамыыһыйаны ыччат бэлиитикэтин миниистирэ Г.Куркутов салайар.
Солбуйааччылара: дьиэ кэргэн уонна оҕо аймах кэмитиэтин бэрэссэдээтэлин солбуйааччы М.Харлампьев, физкултуура уонна спорт судаарыстыбаннай кэмитиэтин бэрэссэдээтэлин солб. Н.Колодко, Дьокуускай баһылыгын социальнай боппуруоска солбуйааччы Ю.Баишев. Маны таһынан хамыыһыйаҕа «Ситим» медиа-бөлөхтөн, «Саха» НКИК-тэн, доруобуйа харыстабылын эйгэтиттэн, ыччат тэрилтэлэриттэн, оскуолалартан, үөрэх кыһаларыттан киирбиттэр.
Онон быйылгы түмсүү эмиэ үрдүк таһымҥа барара былааннанар. Куорат үс улахан болуоссаттарыгар 14 хайысханан күрэхтэһиилэр буолуохтара. Улуустар, тэрилтэлэр салайааччыларын ыччат аныгы хамсааһынын өйүүр бэстибээлгэ оҕолору ыытан кытыннараргытыгар ыҥырабыт.
Комментарии
Сообщение:
Отправить Отмена
-
10.160.60.1326.07.10 23:09 Автор: ...
-
94.245.190.22830.07.10 23:21 Автор: ийэ
↑ наверхнадо будет выступить
о5олору арыгыттан, табахтан араарар бэртээхэй дьарык, ол эрээри рекламата, бирииhэ, дьарыктанар усулуобуйата молтох