Эһиилгиттэн араас хаһаайыстыбаҕа наадалаах бытовой табаардар атыыга тахсаллара моһуоктанара буолуо. Былырыын Арассыыйа президиэнэ Дмитрий Медведев уоту кэмчилээһин туһунан ыйаах таһаарбыта.
Онно сиэттэрэн хас биирдии атыыга тахсар бытовой табаар барыта техническэй докумуонугар энергетическэй туһатын туоһулуур мэктиэлээх буолуохтаах. Эһиил тохсунньу саҥатыттан оннук быраабыла холодильниктарга, таҥас сууйар массыыналарга, электрическэй уонна микроволновай оһохторго, тэлэбиисэрдэргэ, лаампаларга, кондиционердарга тарҕанар. Онтон 2012 сыл саҕатыттан – монитордарга, принтердарга уонна лифтарга – ол быраабыла ирдэнэр буолуоҕа. Табаардар төһө үчүгэйдик уоту кэмчилииллэрин анал аккредитация ааспыт лабораториялар бэрэбиэркэлиэхтээхтэр.
Билиҥҥи туругунан Арассыыйаҕа оннук аккредитациялаах лаборатория суох. Онон бытовой табаары оҥорон таһаарааччылар элбэх мэһэйдэри көрсөр буолуохтаахтар.
Комментарии
Сообщение:
Отправить Отмена