Милииссийэ туох баар тутаах отделлара уларыйыахтара диэн сурах араас бэчээттиир ситимнэргэ тарҕаммыта ыраатта. Кэнники тахсыбыт матырыйаалларынан көрдөххө, аан бастаан экономическэй хабааннаах буруйдары кытары сыһыаннаах салаалар уларыйыахтара. Ол курдук, ОБЭП диэн уруккуттан, сэбиэскэй былаас саҕаттан улаханнык биллэр, салаа суох буолуо.
Нолуокка сыһыаннаах буруйдары кэтиир салаа эмиэ суох буолуо диэн сабаҕаланар. Онно баар үлэһиттэр билиилэрин өссө төгүл бигэргэтэн, переаттестация барыахтаахтар. Үлэлиир бырааптарын дакаастаатахтарына, милииссийэ криминальнай салаатыгар киирэн үлэлэрин салгыахтарын сөп. Экономическэй хабааннаах буруйдар прокуратура тустаах сулууспаларыгар бэриллиэхтэрэ.
Маннык уларыйыылар ити сулууспалар бэйэлэрэ элбэх сыыһалаахтарын туоһулуура биллэн турар. Предпринимателлэр да сайдалларыгар мэһэй-таһай буолаллара, экономика араас көрүҥнэрин атахтыыллара сөп буолбутун көрдөрөр. Ол да буоллар дойду президенэ Дмитрий Медведев ити туһунан ыйааҕа тахса илик. Бу күннэргэ тахсыа диэн, бэчээттиир ситимнэр иһитиннэрэллэр.
Комментарии
Сообщение:
Отправить Отмена