Саха өрөспүүбүлүкэтин аҕа баһылыга Егор Борисов бу күннэргэ «Дежа Вю -Сборная Якутии» КВН хамаандатын кыттааччытын Василий Попову кытта көрүстэ. Бу хамаанда Юрмала куоракка буолбут «Голосящий КиВиН — 2010» фестивальга ситиһиилээхтик кыттан кэлбит.
Василий Попов Президеҥҥэ кэпсээбитинэн, фестивальга уопсайа Үрдүкү лигаҕа оонньуур 16 күүстээх хамаанда кыттыыны ылбыт. Төһө да кыахтаах кыттааччылар кииристэллэр, Саха сирин сүүмэрдэммит хамаандата жюри чилиэттэрин үрдүк сыанабылларын ылан «Малый КиВиН в Белом» аат хаһаайыннара буолбуттар. Бу, биллэн турар, улахан ситиһии.
Егор Афанасьевич кинилэри чаҕылхай кыайыыларынан эҕэрдэлээн туран инникитин да бу талааннаах хамаанданы өйүүрүн туһунан эттэ.
КВН хамаандатын салалтата уонна кыттааччылара өрөспүүбүлүкэ салалтатыгар уонна Егор Борисовка махталларын тиэртилэр.
Комментарии
Сообщение:
Отправить Отмена