Мииринэй оройуона икки Сунтаар улууһун кыраныыссаларыгар үөрүүлээх быһыыга-майгыга Саха сирин норуоттарын V спортивнай күрэхтэһиилэрин уотун туттарыыта буолла.
Мииринэйтэн оройуон баһылыгын солбуйааччыта Дьулустаан Николаев, спорт кэмитиэтин бэрэссэдээтэлэ Виктор Комлев, күрэхтэһиигэ кыттар спортсменнар уонна суруналыыстар сырыттылар. Спортсменнар ортолоругар биллиилээх марафонец Василий Горбунов баар. Эстафета Алмазнай бөһүөлэгинэн сылдьан ааста. Мииринэй куорат баһылыгын бастакы солбуйааччыта Гульсум Бейсембаева салайааччылаах делегация куоракка киирэр стела таһыгар эстафетаны көрүстэ. Ленин болуоссатыгар күрэхтэһии уотун чиэстээн улахан көрсүһүү оҥордулар.
Бүгүн, атырдьах ыйын 5 күнүгэр, эстафета Ленскэйгэ барда. Онтон үргүччү Өлүөхүмэҕэ тиийиэ.
Комментарии
Сообщение:
Отправить Отмена