Арассыыйаҕа ойуур уотун куттала быйыл хайа да сыллааҕар сытыытык турда. Дойду президенэ Дмитрий Медведев уоппускатын тохтотон кутталлаах быһыыны-майгыны бэйэтинэн хонтуруоллаата.
Онтон Москуба лесхоһун тойоно от ыйыгар уоппускаҕа барбыт. Атырдьах ыйын бүтэһигэр эрэ сынньалаҥа бүтэр үһү. Москуба таһыгар туорпа умайан, ону тулалыыр ойуур эмиэ уокка былдьаммытын бары да билэбит. Куорат иһэ барыта буруо буолан, олохтоохтор уонна ыалдьыттар улахан эрэйи көрдүлэр. Оннук кутталлаах бириэмэҕэ ойуурбут тойоно мэлиһээр, тарбанан да көрбөккө, уоппускаҕа сынньана сытар.
Дойду президенэ Медведев итинник бэйэтин үлэлэригэр сыһыаннаһар тойоттору харса суох үлэлэриттэн устан иһиэххэ сөптөөҕүн чопчулаан эттэ.
Комментарии
Сообщение:
Отправить Отмена