2010 сылга киирэн баран, Нерюнгри оройуонун дьаһалтатын штата 69 киһиттэн 54-кэ диэри сарбылынна.
Олохтоох былаас уорганнарыттан миэстэни сарбыйар туһунан СӨ бэрэсидьиэнин ыйааҕа 2009 с. ахсынньытыгар тахсыбыта. Ол кэмҥэ нерюнгрилар дьаһалталарыгар штатынан көрүллүбүт нуорманы таһынан 15 киһи үлэлиирэ чуолкайдаммыта. Инньэ гынан, кулун тутар ыйтан саҕалаан чунуобунньуктар сыыйа сарбыллан, ахсааннара көҕүрэтиллэн барбыта. Ол дьон сорохторо билигин атын сирдэргэ үлэлииллэр, Дьарыктаах буолуу Киинигэр учуокка тураллар уо.д.а.
Ол түмүгэр, улуус дьаһалтатыгар көрүллэр ороскуот сиэрдээх нуорматыгар тиэрдилиннэ. Билигин дьаһалта үлэһиттэрин сарбыйар «үлэ» Нерюнгри оройуонун дьаһалыгар киирэр бөһүөлэктэргэ ыытылла турар.
Комментарии
Сообщение:
Отправить Отмена