Саха республикатын Президенэ Е.А.Борисов атырдьах ыйын 15 күнүгэр Өлүөхүмэ улууһугар үлэлээтэ. Кырдьаҕас Өлүөхүмэ куората төрүттэммитэ 375 сылынан уонна Саха сирин норуоттарын V спортивнай оонньуулара ыытылларынан сэргэхсийбит. Киин уулусса устатын тухары бу икки дьоґун суолталаах дьаһалларынан эҕэрдэлиир билбортар ыйаммыттар, элбэх саҥа тутуулар дьэндэйбиттэр...
Хатыҥ чараҥ былаастаах тумустаан киирбит тоҕойтон Өлүөнэ эбэ хотун ытыска уурбуттуу нэлэһийэр кэрэ көстүүлээх сиригэр, Аанньаах хочотугар киирэр аартыкка, икки норуот доҕордоґуутун туоґута буолан ураґа уонна православнай кириэс кэккэлэспиттэр. Президент улууска сырыыта бу ытык сиртэн саҕаланна. Саха сирин норуоттарын V спортивнай оонньууларын тэрийэр комитетын кытары кірүстэ. Онно тыл эппиттэр Егор Афанасьевичка бүгүн тіріібүт күнэ буоларын санатан, эҕэрдэлээн киирэн барбыттарыгар, Президент ити государственнай суолталаах сабыытыйа буолбатах, биир киґи тус дьыалата диэн тохтотон кэбистэ.
Јлүіхүмэ улууґугар 114 сэрии кыттыылааҕын огдообото баар. Улуу Кыайыы 65 сылынан 50 огдообоҕо толору хааччыллыылаах дьиэ бэриллибит, ол иһиттэн 10 киґи сертификатынан Дьокуускайга уонна Нерюнгрига квартира ылбыттар, 40 огдообоҕо Филатов уул. 15 №-гар тутуллубут саІа дьиэ анаммыт. Кэлэр іттүгэр аны 47 кырдьаҕаґы дьиэнэн хааччыйыы боппуруоґа быґаарыллыахтаах.
Егор Афанасьевич саІа дьиэҕэ икки хостоох квартираны ылбыт Т.В.Кутугутоваҕа ыалдьыттаата. Тамара Васильевна кэргэнэ Артемий Львович Сокорутов 1923 с. Токкоҕо төрөөбүт. Уоттаах сэрии сылларыгар Үһүс Украинскай фроҥҥа сэриилэспит. 1974 с. өлбүт. 82-с хаарыгар үктэммит ытык кырдьаҕас Президенигэр дьиэтэ үчүгэйин, итии-тымныы уута баарын кэпсээтэ, маннык сүдү кыґамньы иґин махтанна.
-- Сааһым тухары холкуоска, сопхуоска үлэлээбитим, -- диир кини. -- Ґлэ удаарынньыга этим. Биэс оҕолоохпун, тоҕус сиэннээхпин, аны хос сиэннэр кэлэн эрэллэр. Быйыл тутуу біҕіті барда. Ниэп ситимэ баар, аны улахан уот кэлэн эрэр үһү дии.
-- Кэлэр, -- диир Егор Афанасьевич. -- Ити Сунтаартан ГЭС каскадын уота, балаҕан ыйыгар үлэҕэ киириэ. Онон, Өлүөхүмэ улаханнык сайдар кэскиллээх.
-- Бэйэҥ хайа дойдугунуй?
-- Чурапчыбын. Сэрии саҕана Чурапчыттан икки аҥар тыһыынча киһини хоту көһөрбүттэрэ.
-- Ээ, оннук баарын истибитим. Дьэ, ама ааспытын иґин, сүрдээх кэмнэр ааспыттара…
-- Чэ, доруобай эрэ буол, бачча үчүгэй дьиэлэн-уоттанан бараҥҥын, аны эн оҕолоргор иитиллэр, атаахтыыр кэмиІ, -- диэтэ Егор Афанасьевич уонна саІа дьиэлээх хаґаайкага чэй иґэр сервиґи бэлэхтээтэ.
Президент салгыы тыыл бэтэрээнэ, үс сэрии кыттыылааҕын огдообото В.И.Габышеваны кірүстэ. Болдьообут курдук, Валентина Ивановна бүгүн төрөөбүт күнэ эбит, онно саІа дьиэлэммитинэн, куорат үбүлүійүнэн уонна тіріібүт күнүнэн республика баґылыгын эҕэрдэтин тутан, ааґа баран Президенниин биир күн тіріібүтүттэн долгуйан хаалла.
Егор Афанасьевич күнүс 4 чаастан дьаһалта дьиэтин аактабай саалатыгар Јлүіхүмэ куората тірүттэммитэ 375 сылынан норуот хаґаайыстыбатын араас салаатын бастыІ үлэґиттэригэр правительственнай наҕараадалары туттарда.
-- Күндү доҕоттор, бастатан турар Өлүөхүмэ куоратын төрүттэммитэ 375 сыллаах үбүлүөйүнэн эҕэрдэлиибин, -- диэн саҕалаата бэйэтин эҕэрдэтин Егор Афанасьевич. -- Үбүлүій дьаґаллара Саха сирин норуоттарын V спортивнай оонньууларын кытары алтыспыта икки төгүл үөрүүлээх. Спортивнай оонньуулар ис хоґоонноро сылтан-сыл байытыллан, ураты суолталанан иґэр, республика культурнай-общественнай, духуобунай олоҕор ылар оруола үрдүүр. Куорат 375 сыллаах үбүлүійүнэн уонна Саха сирин норуоттарын спортивнай оонньуулар түґүлгэлэрин тэрийэринэн Јлүіхүмэ улууґа республикаттан улахан кімінү ылан, дьоґун хамсааґыны таґаарда. Ол курдук, «Сунтаар-Јлүіхүмэ» ЛЭП ситимэ тутуллан кэлэр ыйтан үлэҕэ киириэ, итинэн, республика оІоруулаах күүстэрин сайыннарыыга дьоґун миэстэни ылар Аанньаах сиригэр Бүлүүтээҕи ГЭС энергията туґаныллыа. Элбэх дьиэ-уот тутулунна, суол-иис оІоґулунна. Ол иґигэр, 3 тыґыынча миэстэлээх стадион, 500 миэстэлээх «Чароит» спортивнай комплекс баар буоллулар. Бу сыалга бюджеттан 50 міл. солк. кірүллүбүтэ, ону таґынан, инвестордар тардыллыбыттара. 2012 с. Дьокуускайга «Россия – спортивнай держава» спортивнай форум уонна ол чэрчитинэн «Азия оҕолоро» норуоттар икки ардыларынааҕы V спортивнай оонньуулар ыытыллыахтара. Бүгүн аґыллар түґүлгэни бу форумІа бэлэмнэнии быґыытынан сыаналыахха сіп. Онон, бу оонньуу суолтата улахан, ону эґиги улуускут үрдүк таґымІа кірүстэ.
РФ улахан ійібүлүн уонна бу иннинээҕи сылларга ситиґиллибит таґымы мүччү туппакка, эбии чиІэтэн, саІа кирбиилэргэ тахсар туґугар сіптііх политика ыытыллыбытын түмүгэр, республикабытын Аан дойду үрдүнэн бүрүүкээбит үп-харчы кризиґэ улаханнык хаарыйбата. Биґиэхэ барыта баар: баай сир-уот, билиигэ-кірүүгэ, үлэҕэ-хамнаска тардыґыылаах нэґилиэнньэ. Онон, бары биир киґи курдук турунан, үлэлиэххэ-хамсыахха эрэ наада.
Егор Афанасьевич киэґэ Јлүіхүмэ куорат 375 сыллаах үбүлүійүн уонна Саха сирин норуоттарын V спортивнай Оонньууларын аґыллыытыгар сырытта.
Президент тус сайтын матырыйаала.
Комментарии
Сообщение:
Отправить Отмена