Атырдьах ыйын 23 күнүгэр элбэх сөҥүү түспүтүн түмүгэр «Халыма» федеральнай суолун Атка -Оротукан учаастагар (305 км) суол алдьаммыта биллибитэ. Күүстээх ардах түмүгэр суол икки сиринэн 25-30 м усталаах кэрчигэ эмсэҕэлээбит.
Онон федеральнай трасса быстах кэмҥэ сабылла сырытта. Суол сабыллан, массыыналар үгүстэрэ чугас бөһүөлэктэргэ төнүннүлэр. Суоппардар олохторугар куттал суоһаабатах, аһылык, ГСМ саппааһа баар эбит.
Икки суһал көмө массыыната дьуһуурустубалаабыт, чугас оройуон дьаһалтата хаайтара сытар дьоҥҥо аһылыгы тэрийбит.
Суолу бүгүн, атырдьах ыйын 25 күнүгэр, чөлүгэр түһэриэхтээхтэр. Бу туһунан СИА кэпсиир.
Комментарии
Сообщение:
Отправить Отмена