Байкаллааҕы экономическэй форум бэйэтин үлэтин Иркутскай куоракка түмүктээтэ.
Кини түмүктэрин Федерация Сэбиэтин бэрэссэдээтэлэ, экономическэй форум тэрийэр кэмитиэтин бэрэссэдээтэлэ Сергей Миронов кэпсээтэ уонна маннык форум сыл аайы ыытыллар буолуо диэн эрэннэрдэ. Саха сирин делегациятын форумҥа СӨ президенин уонна бырабыыталыстыбатын администрациятын салайааччыта Айсен Николаев иилээн-саҕалаан илдьэ сырытта. Байкаллааҕы экономическэй форум үлэтигэр аан дойдуттан барыта 17 судаарыстыба кыттыыны ылла. Элбэх дуогабардар оҥоһулуннулар уонна кэскиллээх кэпсэтиилэр бардылар.
Форум Иркутскайга ыытыллыбыта Арассыыйа салалтата Сибиир кыраайыгар улахан болҕомто уурара, кини сайдар суолга турарын кэрэһэлиирин бэлиэтэ буолар.
Комментарии
Сообщение:
Отправить Отмена