Былыргы үгэс аны сокуон нуормата буолла. Айылҕа харыстабылын иһинэн Булт хаһаайыстыбатын департамена көтөр кынаттааҕы уонна түүлээҕи бултааһын нуорматын олохтоото. Биллэн турар, Кыһыл кинигэҕэ киирбиттэртэн уратыларга.
![](/images/ya1/2010-09-10/277167/124425.jpeg)
Бу булт эстэн хаалбатын туһугар тэрээһин буолара өйдөнөр.
Саха сирин, син эмиэ «РФ булт быраабылалара» сокуон бырайыагын курдук, түөрт зонаҕа араарбыттар: арктикатааҕы, хотугу, соҕурууҥҥу уонна киин зоналарга.
Докумуоҥҥа кус-хаас, чөкчөҥө аймах, мас көтөрө, өтөн, тииҥ, муруку, кырынаас, лааскай, солоҥдо, саһыл, кырса, нуорка, андаатар, дьабырааскы, сиэгэн, бөрө киирбиттэр.
Булчут ахсаана Охотобщество дааннайынан ылыллыбыт — 35 тыһыынча киһи булчут-балыксыт, 25 тыһыынча — түүлээх сонордьута. Холобур, арктикатааҕы улуустарга саас 20 хааһы биир булчукка көҥүллүүр буоллахха, 40 тыһыынча хаас кэлэрэ сабаҕаланыахтаах. Ол эбэтэр, сабаҕаланар хаас ахсаанын 20 %-на булка көҥүллэнэр. Ити арктикатааҕы 6 улууска булчут ахсаана 2 тыһыынчаттан элбэҕэ суох диэн учуоттуур буоллахха.
kyym.sakha.ru
10.09.2010 11:33 | оригинал статьи | просмотров: 27261
Комментарии
Сообщение:
Отправить Отмена