Балаҕан ыйын 27 күнэ – Саха Өрөспүүбүлүкэтин судаарыстыбаннаһын күнэ. Ол эбэтэр, Ил Күнэ.
Саха сирин куораттарыгар, улуустарыгар бу үөрүүлээх даатаҕа туһуламмыт араас тэрээһиннэр ыытыллыахтара. Ол иһигэр, өрөспүүбүлүкэбит бары оскуолаларыгар балаҕан ыйын 27 күнүгэр гражданин уонна ботуруйуот буолуу уруоктара, РФ састаабыгар Саха өрөспүүбүлүкэтин судаарыстыбаннаһын боппуруостарыгар Төгүрүк остуол (Ил Түмэн дьиэтигэр, күнүс 2 ч.), РФ уонна СӨ судаарыстыбаннай наҕараадаларын туттарыы (БДь-1, 12 ч.), «Сахафильм» хампаанньа «Максим Аммосов» докумуоҥҥа олоҕурбут киинэтэ (16 ч.), Опера уонна балет тыйаатырыгар СӨ салалтатын өрөгөйдөөх мунньаҕа (18ч.) уо.д.а. буолуохтара.Саха Өрөспүүбүлүкэтэ сүһүөҕэр турарыгар, сайдарыгар үлэлэспит бары чулуу дьоммутугар – уруй-айхал!
Комментарии
Сообщение:
Отправить Отмена