Алтынньы ый 1-11 күннэригэр үгэс курдук сыл аайы Арассыыйаҕа ыытыллар тыа хаһаайыстыбатын «Көмүс күһүн-2010» быыстапката буолар.
Быыстапка сүрүн сыала-соруга – тыа олоҕо сайдыытын көрдөрөөһүн. Арассыыйа 54 региона быыстапкаҕа кыттыахтаах. Ол иһигэр Саха сирин делегацията бараары сылдьар. Быыстапка араас хайысханан үлэлиэҕэ: форумнар, куонкурустар, күрэхтэһиилэр, мастер-кылаастар, уопут атастаһыыта о. д. а .
Быйылгы тэрээһин уратытынан сибииньэ оҕолорун сүүрүүтүн куоталаһыыта буолар. Тэрийээччилэр хайы-үйэҕэ саамай түргэнник сүүрэр сыыдам көрүҥнээх уон икки сибиинньэ оҕотун талбыттар. Хомойуох иһин, олор истэригэр Саха сирин сибиинньэтин оҕото суох. Аныгыскы буолар быыстапкаҕа биһиги да сибиинньэбит сүүрэн элээрэр ини. Маннык сонуну Саха сирин тыатын хаһаайыстыбатын министиэристибэтин пресс- сулууспата иһитиннэрэр.
Комментарии
Сообщение:
Отправить Отмена