Уматык, оттук сыанатын кэтээн көрөр үлэлээх дьон бэлиэтээбиттэринэн, бензин сыаната балаҕан ыйынааҕы туругуттан улаханнык үрдүө суохтаах үһү.
Массыына уматыгын оҥорор собуоттар кыстыыр бензини, күһүҥҥү сыананан атыылыыр курдук контракт түһэрсэн эрэллэр. Онон тимир көлөлөөх дьон, кыс устата уматык сыанатыттан улаханнык уолуйуо суохтара диэн экспертэр сабаҕалыыллар. Оннук эрэ буоллун. Бензин сыаната таҕыста да, тилэх баттаһа ас-таҥас сыаната үөһээ харбыаласпытынан барар адьынаттаах.Арассыыйаҕа балаҕан ыйын 1 күнүнээҕи туругунан, биир туонна уматык орто сыаната маннык: "Нормаль-80" - 22,650 тыһ. солк. (+8 рублей), "Регуляр-92" - 26,125 т.с. (+20 рублей), "Премиум-95" - 28,926 т.с. (+15 рублей).
Оттон АЗСтарга орто сыана биир лиитэрэҕэ: "Нормаль-80" - 19,68 солк. (+0,01 ), "Регуляр-92" - 22,96 солк. (+0,01 ), "Премиум-95" - 24,80 солк. (+0,01 ).
Комментарии
Сообщение:
Отправить Отмена