Устудьуон тутар этэрээттэрэ тахсан уу урусхаллаабыт бөһүөлэктэрин ыраастааһыҥҥа, тутууга үлэлэспиттэрэ.
Ол курдук, бу хайысхаҕа бастыҥ тэрээһин иһин М.К. Аммосов аатынан Хотугулуу-Илиҥҥи федеральнай университет (уруккута СГУ) профсойууһун бастакы сүһүөх тэрилтэтэ (А.В. Сусоев), «СӨ алын уонна орто үөрэхтээһин ыччатын түмсүүтэ» (Д.А. Уфимцев) уопсастыбаннай тэрилтэ, «Арассыыйатааҕы тутар этэрээттэр Бүтүн Арассыыйатааҕы уопсастыбаннай хамсааһын Саха сиринээҕи филиала (Г.И. Семенов) хайҕал тылынан бэлиэтэммиттэрин этэр тоҕоостоох.Тутар этэрээттэри туһаныы туһунан Бырабыыталыстыба 601 №-дээх уурааҕа ыам ыйыгар тахсыбыта. Онно олоҕуран, Хаҥалас Хоточчутугар иккилии күҥҥэ бастаан — 45, иккис сырыыга — 35 байыас, Капитоновкаҕа 7 киһи тахсан ыраастыыр, чөкөтөр үлэҕэ көмөлөспүтэ. Ити курдук, дьон кыһалҕатын кыһалҕа оҥостубут оҕолор түмүллэн, 10-нуу 60-нуу буолан, Нам Үөдэйигэр, Бартыһааҥҥа, Иккис Хомустаахха көмөлөспүттэрэ. Суотту, Граф Биэрэгэ да итинник педэтэрээт көмөтүттэн маппатаҕа. Ити курдук, уопсайа сааскы халаан алдьатыытын чөлүгэр түһэриигэ 300-тэн тахса эдэр байыас кыттыбыта.
Итини сэргэ бэдэрээт тэрилтэлэрин кытта дуогабар быһыытынан, ФТИ «Спектр» диэн 25 байыастаах устудьуон тутар этэрээтэ Хоточчутааҕы социальнай-култуурунай эбийиэги өрөмүөннээтэ. Бу маннык үлэ устудьуон дьоҥҥо икки бүк үчүгэйдээх. Бииринэн, кыһалҕалаах дьоҥҥо көмөлөһөллөр, иккис өттүттэн 17 тыһ. хамнас аахсар кыахтаммыттар. Оттон «Эллэй» уонна «Маарыкчаан» ССО-лар «Стройсервис» ХЭТ-и кытта дуогабардаһан, Хоточчу административнай тутууларын өрөмүөнүгэр үлэлээн, биирдии байыас, дуогабар быһыытынан, 15 тыһ. солк. аахсар диэн.
Комментарии
Сообщение:
Отправить Отмена