Алтынньы 15 күнүгэр Опера уонна балет тыйаатыра саҥа сезонун арыйар.
Быйылгы сезон А.Даргомыжскай «Русалка» драматынан саҕаланыа. Испэктээкил СӨ норуодунай артыыһа, Ойуунускай аатынан бириэмийэ, Ф.Шаляпин аатынан куонкурус 1-кы бириэмийэтин лауреата Иван Степанов 65 сааһын туолар үбүлүөйүгэр ананар. Сэтинньи 6 күнүгэр И.Степанов «Ньургун Боотур» операҕа ыллыа. Сэтинньи 16 күнүгэр аатырбыт ырыаһыты айхаллыыр үөрүүлээх киэһэ буолуо.Тыйаатыр үбүлүөйүгэр бэлэмнэнэр сезон кэмигэр, сыл бүтүөр диэри, П.Чайковскай «Евгений Онегин» оператын уонна П.Гертель «Тщетная предосторожность» балетын туруоруохтара. Маны кытта сыл иккис аҥаарынааҕы былааҥҥа Монголияны уонна Германияны кытта бырайыактар, үгэс буолбут Бүтүн Арассыыйатааҕы «Стерх» бэстибээл, В.Ксенофонтов сахалыы «Аар Тойон алгыһа» операта, о.д.а. опера бырайыактара, артыыстар сольнай кэнсиэрдэрэ бааллар.
Билигин тыйаатыр артыыстара Монголияҕа бараары сылдьаллар. Онно тиийэн «Лебединое озеро» уонна «Ромео и Джульетта» балеттары көрдөрүөхтэрэ.
Комментарии
Сообщение:
Отправить Отмена