Алтынньы 21 күнүгэр, Суол тутааччылар күннэрин бэлиэтиир тэрээһиҥҥэ, «Современные технологии, техники дорожной отрасли и электронные торги» диэн семинар ыытыллыҕа. Семинарга «Консультант Плюс – Якутия» ХЭТ Саха сиринээҕи таһаарыытын салайааччыта Георгий Кабацкий «Роль поисковых справочно-правовых систем в модернизации дорожной отрасли Республики Саха (Якутия)» диэн дакылаат ааҕыаҕа.
Ону таһынан, суол тутуутугар ханнык саҥа ньымалар киирбиттэрин кэпсэтиэхтэрэ. Сайыҥҥы, кыһыҥҥы суолу хайдах чиҥ гына тутуохха, оҥоруохха сөбүн, аныгы техника сайдыытын ырытыһыахтара. Москваттан «Меркатор Холдинг» ХЭТ бэрэстэбиитэллэрэ ыҥырыллыбыттар. Бу дьон эмиэ семинарга хоннохтоохтук кыттар былааннаахтар.
Улахан болҕомтону интернет нөҥүө ол-бу тэрили атыылаһар, сакаастыыр, сайаапкалыыр үлэ ылыаҕа. Олохпут хаамыыта сүрдээҕин тэтимирдэ. Интернети манна туһаныы булгуччу ирдэнэр. Электроннай эргиэн боппуруоһугар Татьяна Романова дакылаат ааҕыаҕа. Кини Судаарыстыбаннай атыы-тутуу профессиональнай үөрэхтээһинин киинин салайааччыта.
Эбиэт кэннигэр тустаах министиэристибэ конференц-саалатыгар улахан мунньах тэриллэр. Онно суол тутааччылар 9 ыйдаах үлэлэрин түмүгүн таһаарыахтара. Чулуу үлэһиттэр наҕараада, кыраамата тутуохтара.
Комментарии
Сообщение:
Отправить Отмена