«Арассыыйата почтата» Тымныы оҕонньортон эҕэрдэ ыытарынан дьарыктанан эрэр. Хас биирдии сибээс отделенията маннык эҕэрдэни ыытарга сакаас ылар. Бу дьылга тоҕус араас бэлэх баар буолла. Сакаас ахсынньы 24 күнүгэр диэри ылыллаллар. Оҕотун, ойоҕун, доҕотторун, бииргэ үлэлиир дьонун үөрдүөн баҕалаах киһи сибээс отделениятыгар кэлэн анал былааҥка толорор, өҥөнү төлүүр уонна Саҥа Дьыл бырааһынньыгын сэмээр кэтэһэн барар.
Былырыын Тымныы оҕонньортон 250 000 киһи бэлэх туппут. Саха сиригэр 4721. Бэлэхпит сыаната 399 солкуобайтан саҕаланар. Ону таһынан Тымныы оҕонньор суругар эбии 120 солк. ылаллар. Бандероллар эҕэрдэни тутааччыга 1-кы кылааһынан айаннаан тиийэллэр, оттон оҕонньорбут эҕэрдэтэ сакаас суругунан тиийэр.Бадаарак ханна-хайдах айаннаан «иһэрин» почта сайтыгар киирэн көрүөххүтүн сөп www.russianpost.ru. Бэлэх ахсынньы 1 күнүттэн саҕалаан ыытыллан киирэн бараллар диэн, СӨ Тырааныспарга, сибээскэ, информатизацияҕа министиэристибэтин пресс-сэкиритээрэ Михаил Сергеев илдьиттиир
Комментарии
Сообщение:
Отправить Отмена