«Биир ньыгыл Арассыыйа» баартыйа дьокутааттара 4 №-дээх коррециялыыр оскуолаҕа сылдьыбыттар. Ону ааһан хараҕа суохтар библиотекалара хайдах тутуллан иһэрин көрбүттэр.
Оҕолор майгыларын, үөрэхтэрин стандарка эппиэттиир гына «көннөрөн» биэрэр оскуола олус мөлтөх туруктаах эбит. Учууталлар, дириэктэр Ил Түмэн дьокутааттарыгар саҥа оскуола тутулларын туруорсубуттар. Дьиэлэрэ сууллаары турар буолан хаста да сабылла сылдьыбыттар.2007 сыллаах бюджекка оскуола тутуллар былаана кыттыгас үбүлээһин быһыытынан киирбит. Кырдьык-хордьук муниципальнай бюджеттан 5 мөл. көрүллүбүт. Пирогова 2-гэр турар эргэ оскуоланы көтүрбүттэр. Үөрэнээччилэри Чайковского уулусса 113-гэр турар мас дьиэҕэ көһөрбүттэр. Улаханнык аарыгыран туран, эмиэ бу сыл, свая саайбыттар. Үөрүү-көтүү, «дьол-2007» буола сырыттахтарына эмискэ тутуулара тохтоон хаалбыт. Билигин оскуола дьиэтэ дьэндэйиэхтээх уһаайбаҕа 15 хаар бэргэһэлээх свая чороһон тураллар.
«Билигин үөрэнэр дьиэбит олус эргэ, 1970 сыллааҕы тутуу. Оҕолор Хатастан, Тулагыттан, Жатайтан тиийэ кэлэн үөрэнэллэр. 137 үөрэнээччилээхпититтэн, 107 оҕо инбэлиит», -- диэн дириэктэр Лена Ноговицына дьокутааттарга кэпсээбит.
Дьокутааттар барахсаттар бу оскуола дьылҕатын олус чугастык ылыммыттар. Онон туох эмэ хамсааһын тахсар ини диэн эрэниэҕиҥ.
«Ньыгыллар» «сиэрдээхтэр», хомуньуустар буолбатах, ылсыбыт дьыалаларын тиһэҕэр диэри тиэрдэллэр. Былаас баартыйата, үбэ-харчыта, куолаһа-тыла ылларыылаах. Былаас диэн бэйэлэрэ буоллаҕа.
Онон доҕоттор, хараҕа суохтар көрүөхтэн кэрэ библиотекаламмыттарыгар А.Морозкин салайааччылаах «ньыгыллар» фракцияларыгар махтаныах тустаахпыт. Уопсайынан даҕаны, кэлиҥҥи кэмҥэ Морозкин дьокутаат аата элбэхтик да иһиллэр буолла. Бэлиэр быыбар чугаһаата дуу?
Комментарии
Сообщение:
Отправить Отмена
"Арассыыйа Педераасията"))))) "свая" диэни то5о сахалыы суруйбатыгыт?!!! онтон Австралия туhунан суруйар буоллаххытына хайдах суруйуоххутуй "Абастараалыйа" диэн буолар дуо)))))))))
мдаа.... уоахаххаха Абастараалыйа)) печаль ди )
онтон Австрия диэни Сахатыт эрэ? =)