Биллэрин курдук, оскуолаҕа киирэ илик оҕолору үөрэхтээһиҥҥэ (дошкольное образование) бары таһымҥа болҕомто ууруллан эрэр.

Онон оҕо саадын үлэһиттэрэ «Биир ньыгыл Арассыыйа» баартыйа көҕүлээһининэн, «Оҕо саадын – оҕолорго!» диэн Бүтүн Арассыыйатааҕы куонкурус ыытыллан эрэрин үөрэ иһиттилэр. Куонкурус икки таһымнаах. Кэтэхтэн ыытыллар: регион уонна Бүтүн Арассыыйатааҕы. Сэттэ номинация баар: «Бастыҥ муниципальнай оҕо саада», «Бастыҥ биэдэмистибэннэй саад», «Бастыҥ чааһынай оҕо саада», «Бастыҥ кэриэксийэлиир оҕо саада», «Бастыҥ тыа сирин саада», «Бастыҥ иитээччи», «Бастыҥ педагогическай кэлэктиип». Куонкуруска официальнайдык регистрацияламмыт оҕо саадтара кытталлар. Лиссиэнсийэ баара-суоҕа булгуччулаахтык ирдэммэт. Куонкуруска кыттар сайаапкалары сэтинньи саҕаланыытыгар диэри күүтэллэр.

kyym.sakha.ru
29.10.2010 14:04 | оригинал статьи | просмотров: 21930