Силиэстийэлиир кэмитиэт иһинэн үлэлиир Уопсастыбаннай сүбэ мунньаҕар бэриги ылыы уонна биэрии туһунан төгүрүк остуол тула кэпсэттилэр.
2009 сылга бэрик орто кээмэйэ Арассыыйа үрдүнэн 20,8 тыһ. солк. тэҥнэспит буоллаҕына, Уһук Илин эрэгийиэнигэр 49,8 тыһ. солк. Ити суума – быраабы харыстыыр уорганнарга биллибитинэн эрэ. Былырыын ордук кыра кэээмэйдээх бэриги Хабаровскайга биэрэллэрэ биллибит – ортотунан 2,4 тыһ. солк. Онтон Сахалин итинтэн балай эмэ таһыччы.
Бэрик быһыытынан 147,3 тыһ. солк. «куду анньаллар» эбит. Саха сиригэр бэрик орто кээмэйэ 6 тыһ. солкуобайынан быһыллыбыт.
2009 сыл бастакы уон ыйыгар Саха сирин үрдүнэн бэрик ылыы 25 түгэнэ арыллыбыт буоллаҕына, 2010 сыл саҕаланыаҕыттан 15 киһи харытыттан харбаппыт. Ол эрээри ити бэрик ылааччы уонна биэрээччи аҕыйаабытыттан буолбатах. Хоруупсуйаны утары охсуһуу үлэтэ мөлтөөбүтүнэн быһаараллар.
Комментарии
Сообщение:
Отправить Отмена