Сахалыы киинэ ахсаана сылын ахсын элбээтэр-элбээн иґэр. Дьон-сэргэ ону чугастык ылынан, олус диэн сібүлээн кірір буолла. Ол курдук, Саха сиригэр киэІник тарҕаммыт, үгүс киґи кутун хамсаппыт «Наахара», «Иччи» уонна ахсынньы 2 күнүттэн Дьокуускай киинэ тыйаатырдарыгар кістіірү турар «Сэттээх» диэн киинэлэр режиссердара Евгений Павловы кірсін кэпсэттим.
— Евгений, эн санааҕар, дьиІнээх саха киинэтэ хайдах буолуохтааҕый?
— Саха киинэтэ, биллэн турар, сахаҕа чугас буолар. Бу дьиІнээх энтузиастартан тахсар. Саха киинэтигэр улахан эбии-сабыы, олоххо суоҕу омуннаан кірдірүү диэн суоҕун кэриэтэ. Барыта дьиІ олоххо баары кірдірүллэр. Мин киинэни оІорор, оруолу да толорор буоламмын, киинэ хайдах буолуохтааҕын, ис дьиІ проблематикатын ійдіін эрэбин диэхпин сіп. Хас биирдии киинэ киґи дууґатын кылын таарыйар туох эрэ кыґалҕалаах буолуохтаах.
— Билигин үгүс киґи сахалыы киинэ сайдан эрэр диэн санаалаах, сорох улаханнык сэІээрбэт. Оттон эн санааІ хайдаҕый?
— Саха киинэтэ сайдар туруктаах, билигин суолун кірдүү сылдьар. Биллэн турар, барыта тута табыллыбат буоллаҕа. Ол эрээри, мин санаабар, хаачыстыбата да, оонньуур дьоно да биллэрдик тупсан эрэллэр. Ити олох сайдар тэтимиттэн эмиэ улахан тутулуктаах.
— Эн тоҕо абааґылаах киинэлэри устаргын ордороҕун?
— Хас биирдии киґи олоҕун сэттэ куттал салайар. Олортон биирдэстэрэ — ілүү куттала. Куттал – саамай күүстээх иэйии. Ити кэннэ «атын олох диэн баар буолуон сіп дуо?» диэн боппуруос үіскүүр. Мин кыра эрдэхпиттэн дьонтон араас түбэлтэни истэр буоларым. Олору билигин киинэ оІорорбор туґанабын. Абааґылаах киинэни дьон быдан интэриэґиргиир дии саныыбын. Оттон мілтіх ньиэрбэлээх, барытын чугастык ылынар киґи кірірі наадата суох.
— Оннук киинэлэр туох иитэр-үірэтэр суолталаахтарый?
— Мин сыалым диэн, ыччаты иитии-үірэтии буолар. Саха буоларбыт быґыытынан айылҕабытыгар харыстабыллаахтык сыґыаннаґыахтаахпыт, тылбытын-іспүтүн, итэҕэлбитин умнуо суохтаахпыт. Ол мин эрэ киинэлэрбэр буолбакка, саха киинэлэригэр үгүстэригэр иитэр-үірэтэр ньыма быґыытынан кістір.
— Саха абааґылаах киинэлэрэ омук киэннэриттэн туох уратылаахтарый?
— Мин бэйэм киинэлэрбэр хааны-сиини ончу кірдірбіппүн. Ол биир сүрүн уратыта буолар.
— Сотору кэминэн дьон-сэргэ дьүүлүгэр тахсаары турар «Сэттээх» диэн киинэІ туґунан кыратык билиґиннэрэ түґүіІ дуо?
— «Сэттээх» киинэни устарга сыалай хамаанданан улахан үлэни ыыттыбыт. Харчынан да олус ійіітүлэр. Киинэҕэ кімпүүтэри кыайа-хото туґанныбыт. АІаардас тыаґын-ууґун хас эмэ ый устата уґуллубут, сааґылаатыбыт. Манна мин «тыыннаах» хаамыра кэтээн кірін уґуларын курдук тутуґа сатаатым. Сынаарыйын бэйэм суруйбутум. Ол курдук, түірт араас түбэлтэ кістір. Бастакыта, иччитэх алааска икки булчут тиийэн хонон турбуттарын туґунан. Билбэт сиргэр оттомноохтук сырыт, сэрэхтээх буол. Иккиґэ – эдэр уолаттар тустарынан. Ґсүґэ – суол абааґыта. Тірдүс – Дьокуускай куорат таґыгар саха ыала иччилээх дьиэҕэ кіґін киириилэрэ. Бу түбэлтэлэр, сүнньүнэн, илин эІээргэ буола сылдьыбыттар, ол эрээри киинэҕэ улахан аІаарын уларыттыбыт.
— «Сэттээх» диэн тылы эн хайдах ійдүүгүн?
— Сэттээх диэн туох барыта иэстэбиллээх диэн ійдібүлгэ туттуллар.
— Тус бэйэІ абааґыны, кістүбэт кистэлэІ күүстэри итэҕэйэҕин дуо? Оннукка биирдэ эмэ түбэспитиІ буолаарай?
— Итэҕэйэбин. Кірбүт да буоллахпына, кірбүтүм диэн кэпсээн оІосто, ыаґах гына сылдьааччым суох.
— Киинэ устаргар артыыстаргын хайдах талаҕын?
— Биґиэхэ идэтийбит (профессиональнай) артыыс диэн суох. Дьону кастинг кімітүнэн талабыт. Норуокка да дьоҕурдаах дьон элбэх. Ол дьоҕурдарын “дьалкытыахха” эрэ наада.
— Киинэни оІорууга туох ыараханы кірсіҕүт?
— Биллэн туран, манна олус элбэх ыараханы туоруугун. Ол эрээри ыарахантан сайдыы үіскүүр, туох барыта сыралаах үлэни ирдиир. Мин киинэлэрбин соҕотоҕун оІорбоппун ээ. Биґиги, эппитим курдук, сыалай хамаанданан үлэлиибит. Киинэ оІоруутугар, бастатан туран, идиэйэ, онтон сынаарый баар буолуон наада. Ол кэннэ барыта син утум-ситим салҕанан тахсан иґээччи.
— БэйэІ туруорбут киинэлэргин, артыыстарыІ хайдах оонньуулларын кірін тіґі астынаҕын?
— Бэйэм үлэбин кыайан сыаналаабаппын. Манна Голливуд буолбатах эбээт, онон ирдэбилбит арыыйда атын соҕус.
— Атын сахалыы киинэлэртэн ханныгы саамай сібүлүү кірбүккүнүй?
— «Сэттээх сири» уонна «сахафильмнар» «Мааппа» диэн киинэлэрин сібүлээбитим. Олор ис хоґоонноро миэхэ олус чугастык иІмиттэрэ.
— Саха киинэтин кэскилин хайдах кіріҕүн?
— Бу киинэни туруорар дьонтон уонна кірііччүлэртэн улахан тутулуктаах. Дьон сахалыы киинэни сэргиирин тухары, олохпут сайдыытынан араас бырайыак тахсар уонна, биллэн турар, тупсан иґэр.
Комментарии
Сообщение:
Отправить Отмена