Сөмөлүөтүнэн көтүү сыанатын чэпчэтэргэ көрүллэр датаассыйа бастаан көрүллэрин утаа 11 мөл. эбит. Онно 7,5 тыһ. пассажир айаннаабыт. Билигин 105 мөл. буола улаатан, 30 тыһ. киһи тиийэ туһаммыт.
Өрөспүүбүлүкэ иһигэр көтөр аал 21 улууска барыта 123 араас хайысхаҕа көтөр. Кэлин Анаабырга уонна Өлөөҥҥө эбиллибит. Оттон Уһук Илинтэн соҕуруу хайысхаҕа барыыга дотация 1 млрд 730 мөл. солк. тыырыллыбыт. Быйылгыга да биир оччо. Саха сириттэн соҕуруу көтүү билиэтигэр чэпчэтии көрүллүбүтэ хайҕаллаах. Ити эрээри оннук чэпчэтии сүрүн туочукаттан, холобур, Дьокуускайтан эрэ барыыга көрүллэрэ сиэрэ суох. Холобур, Черскэй Андрюшкинотыттан Дьокуускайга диэри билиэт сыаната 27 тыһ.
Ону билиҥҥи туругунан көтөөччү бэйэтэ уйунар. Оттон Дьокуускайтан көтөөччү Москубаҕа диэри, чэпчэтиилээҕинэн, аҕыйах тыһыынчаны төлөөн тиийэр. Биир бастакынан ыраахтары өйүүр сөп курдук. Ол гынан баран бэйэбит дьоммут кыһалҕатын эмиэ өйдүөххэ баар этэ.
Комментарии
Сообщение:
Отправить Отмена