Ааспыт өрөбүллэргэ өрөспүүбүлүкэҕэ 21 баһаар буолбут. Киин куоракка 8-та уот тахсыбыта бэлиэтэммит. Ньурба улууһун Чаппандатыгар чааһынай дьиэ умайбыт. Уот турбут сириттэн икки киһи өлүгүн булбуттар. Иккиэн инбэлииттэр эбиттэр.
Билигин уот туохтан барбытын быһаара сылдьаллар. Бороҕоҥҥо, Өлүөхүмэҕэ эмиэ ыаллар дьиэлэрэ бүүс-бүтүннүү умайдылар. Бэҕэһээ, ахсынньы 19 күнүгэр, Дьокуускай куорат Мархинка уулуссатыгар баар хотон умайбыт. Ыал куһа, хааһа, кууруссата – хотоҥҥо турара барыта - уокка былдьаммыт. Быһа сабаҕалаан, хотон иһигэр үлэлии турар ититэр тэрилтэн уот барбыт буолуон сөп.
Комментарии
Сообщение:
Отправить Отмена