Саҥа дьыл саҥата буолан араас кэнсиэрдэр биллэриилэрэ киһини ымсыырда, угуйа, харса суох ыҥыраллар.
Бэҕэһээ, ахсынньы 26 күнүгэр, Нуучча тыйаатырыгар «Песня года-2010» диэн дарбааннаахтык улаханнык ааттаммыт кэнсиэр буолан ааста. Биллэриигэ ыйыллыбыт да артыыстар ааттара, дьэ, үчүгэй кэнсиэр буолар эбит диэн киһини эрдэттэн сэгэтэн үөрдэн кэбистилэр. Хойутаан да соҕус буоллар, син оттон саҕаланна. Дьэ, кырдьык, «саҕаланна».
Төбөтүгэр хайдах да баттахтааҕа биллибэт, улахан куолаһа суох киһи тахсан «былааһы ылбытынан» барда. Онтубут ыытааччыбыт Юрий Городецкай тахсан турар эбит. Сундуук анныгар хас да сыл сыппыт парик баттахтарын сүүмэхтэрин көннөрөрө-көннөрө, киһибит отой да холуочук туруктаах, соччото суох саҥалаах буолан биэрдэ. Сцена иннигэр кыра остуолга турар шампанскай бытыылката кэнсиэр устата ыытааччыбытынан иһиллэн бүттэ. Кинини кытары бэстибээли ыытар Василина Кривошапкина ньиэрбэтэ, туораттан көрдөххө, кэнсиэр устата алдьанан бүттэ да быһыылаах. Холуочук Городецкай кэнсиэр устатын тухары ыллыы тахсар дьону да, онно да суох ырыаһыттары кыһыл тылынан «эттээтэ». «Даймонд» диэн ансаамбыл кыргыттарын «красивые телки, хочу с вами выпить» диэн муннукка хаайда. Наталья Трапезникованы «Тоҕо эдьиий Трап диэн ааттаабаппытый?» диэн «кэскиллээх» этиини көрөөччүлэргэ киллэрдэ. Кэнсиэргэ кыттыыны ылбыт артыыстар маннык таһымнаах уонна туруктаах ыытааччыларыттан бэйэлэрэ да кыбыһыннылар быһыылаах. Оттон, хайыахтарай, былааннаммыт ырыаларын тахсан ыллаатылар. Эрдэттэн биллэриигэ ааттаммыт артыыстар улахан аҥаардара, маннык ааһыан эрдэттэн билбиттэрэ дуу, сурахтыын да суох этилэр. Оттон «Песня года-2010» диэн бэстибээлинэн ааттаммыт кэнсиэр туох суолталаах бэлиэнэн ааста диэтэххэ, Городецкай, парик баттаҕын сүүмэхтэрин ылгын чыҥыйа тарбаҕынан көннөрө-көннөрө, холуочук ойуоккалаабыта буолар. Уонна бүттэ.
Хомойбут көрөөччү.
Комментарии
Сообщение:
Отправить Отмена
-
82.145.208.14427.12.10 20:47 Автор: корооччу
-
10.177.172.5428.12.10 18:16 Автор: 1
-
94.245.156.23818.01.11 14:47 Автор: никола
-
10.160.115.9922.01.11 11:37 Автор: А5ааччы
↑ наверхМаннык албын концердар олус элбээтилэр. Онноо5ор артистар бэйэлэрэ билбэттэр, ааттара тахсан турарыттан соьуйаллар. Городецкай диэн киьини тутан биэриэххэ баар этэ. Аны концердарга сылдьыахпытын соччо ба5арбат буоллубут.
Козел, тиэрэ топпут
Бу биир ыытааччыттан бары артыыстар, ыытааччылар автоитеттара туьэр уонна норуотка кулуугэ элэккэ бараллар, Гордецкайы 1-2 сылга концерт ыытар быраабын быьыахха наада, оччо5о эрэ маннык кэстуу тохтуо5а.
Концертары бары бэрээдэгэ суох тахсар буолбуттар ИП буолла эрэ бутэрин курдук. Туох да контролируйдуур орган суох кэриэт. Бээ, сарсын тахан афиша ыйыам диэбит курдук ))) Сахалар концертара уопсайынан сыаната аьары ырыаабыт аата бала5ан аайы баар ырыаьыттары короору 3000-5000 рб. толообот киьи сахалыы концертарга оччо суумманы.