«Клуб регионов» экспертэрин үчүгэй сыанабылларын үс регион баhылыга ылла. Ахсынньы 20-26 күннэригэр бу баhылыктар үлэлэрин туhунан сонун-нуомас ордук киэнник тарҕаммыт. Регион баhылыктарын сыаналыырга аан бастакынан кини үлэтэ-хамнаhа дойду, регион олоҕор-дьаhаҕар төhө сабыдыаллыыра учуоттанар. Бу кэм устатыгар Саха сирин, Москуба уонна Пензенскай уобалас баhылыктара рейтиннэрин таhымын үрдэттилэр.
СӨ президенэ Егор Борисов «Газпром» хампаанньа баhылыгын Алексей Миллеры кытары Саха сирин социальнай-экономическай сайдыытыгар бииргэ үлэлэhии туhунан дуогабарга илии баттаабыттара. Дуогабар быhыытынан, Илиҥҥи сирдэри гаастааhын программата олоххо киирэригэр өрүттэр бииргэ үлэлииллэр. Бу программа олоххо киирдэҕинэ, Саха сирин улуустара гааhынан хааччыллыахтара, нолуок баазата кэҥиэ уонна үлэ миэстэлэрэ тахсыа этилэр.
Саха сирэ бөдөҥ хампаанньаны кытары кэскиллээх дуогабары түhэрсиитэ регион баhылыга Егор Борисов регионнар рейтиннэригэр бастыҥнар ахсааннарыгар киирэрин ситистэ. «Клуб регионов» ыстатыйатыгар олоҕуран СИА иһитиннэрэр.
Комментарии
Сообщение:
Отправить Отмена