Биґиги кэргэттэрбит 2010 сылга сааскы хомуурга тіріібүт дойдуларыгар ытык иэстэрин толоро аармыйаҕа барбыттара.

Тіріппүттэрэ, кэргэттэрэ кэтэґэ хаалбыппыт. Кэтэстэххэ биир да сыл уґун эбит.

Эрдэрин эрэллээхтик кэтэґэр кыргыттар буолан vkontakte социальнай ситимІэ билсэн, санаабытын холбоон балаҕан ыйыгар «Саллааттар кэргэннэрэ» диэн түмсүү тэриммиппит.

Түмсүүбүт сүрүн сыала ыарахан түгэІІэ кімілісүґүү, санаа атастаґыы буолар. Ахсынньы 7 күнүгэр түмсүүбүт бастакы саллаатын кірүстэ. Аармыйаттан дойдугар, чугас дьоІІор эргиллэн кэлэриІ — олоххо биир үірүүлээх күн. Игнатьевтар дьиэ кэргэттэригэр кірсүґүү долгутуулаах түгэнин видеоҕа устан бэлэх оІорбуппут.

Ити курдук билсэн-кірсін, Уґук ИлиІІэ 7 байыаннай чааска баран, саха саллааттарыгар сылдьыахха, СаІа дьыллааҕы эҕэрдэлэрин устан кэлиэххэ диэн санаммыппыт.

Бу айаммытыгар Дьиэ кэргэн уонна оҕо саас кэмитиэтэ үбүлээн ахсынньы 23 күнүгэр 2 хайысханан айаІІа туруммуппут.

Ахсынньы 27 күнүгэр Хабаровскайга тиийдибит. Хабаровскайдааҕы саха устудьуоннарын сэбиэтин бэрэссэдээтэлэ Сивцева Света уонна «Саха» НКИК кэрэспэдьиэнэ Слепцов Иннокентий Михайлович буолан, 6767 нүімэрдээх байыаннай чааска кэллибит.

Јріспүүбүлүкэ бойоІкуома Н.А. Тряпшиттан уонна Ил Түмэн дьокутаата П.С. Федоровтан хадатаайыстыбалаах буоламмыт, хамандыыр кіІүлүн ылан, байыаннай чааска киирбиппит. Бу чаас спецназ хайысхалаах буолан, доруобуйалара «А» эрэ категориялаах саллааттары ылаллар. Манна сулууспалыыр саллааттар итии туочукаларынан сылдьаллар эбит.

Олорор усулуобуйаларын кірдүбүт. Хаґаарымаҕа утуйар оронноро ярустаах, туумбалара сабыс-саІа. Барыта бэрээдэк! Ороннорун кырыылаах гына хомуйалларын сіхтүбүт. Ону таґынан кааска, бронежилет барыта бэлэм сытар. Түрүбүігэ буолла да кэтэллэр эбит.

Бу чааска хантыраагынан сулууспалыыр уол элбэх. Кинилэр туспа толору хааччыллыылаах дьиэлээхтэр. Кэргэннээх дьоІІо 270 кыбартыыралаах дьиэлэр тутулла тураллар, сорох дьиэ аны күґүн үлэҕэ киириэхтээх.

Остолобуойга киирэн саллаат аґын боруобалаатыбыт. Олус минньигэс, тотоойу. Менюлара күн ахсын уларыйар.

Бу чааска саллааттар многоборьенан дьарыктаналлар эбит. Саха саллааттара мэлдьи миэстэлэґэллэр үґү. Уолаттар многоборье албастарын кірдірдүлэр, бары тэІІэ хамсаналлар, чуолкайдара сүррдээх. Уолаттарга СаІа дьылынан «КЫЫМ», «Молодежь Якутии», «Спорт Якутии», «Якутск вечерний» хаґыаттары, «Хатан» сурунаалы илдьибиппит.

Саллааттар дойдуларын сонунун ирэ-хоро ааҕа, махтана хаалбыттара. Оттон биґиги кинилэргэ үчүгэй сулууспаны баҕаран, алҕаан айаммытын Уссурийскай куорат диэки туппуппут.

83-с №-дээх туспа десантно-штурмовой биригээдэ диэІІэ тиийбиппит. Саха саллааттара түмсүүлээх буолан, бары КПП-га кэлбиттэрэ.

Хас да уол түіґүгэр мэтээллээх. Бу мэтээл парашют быґыылаах, аллараа іттүгэр ромбиктаах, ромбикка сыыппаралаах. Маннык мэтээли парашютунан ыстаммыт дьоІІо биэрэллэр эбит. Уссурийскай саллааттара халлаан күіх бэриэттээхтэр. Бу байыаннай чааска барыта бэрээдэк, дедовщина диэн суох үґү. Саллаат уолаттар барахсаттар тіґі баҕарар кэпсэтэ олоруох курдуктар. Ирэ-хоро кэпсэтэн, күлэн-үірэн кэґиибитин туттартаан, эмиэ үчүгэй сулууспаны, ситиґиини баҕаран салгыы бардыбыт.

Салгыы кэргэттэрбит сулууспалыы сылдьар чаастарын диэки айаннаатыбыт. Николаева Паша уонна Никитина Туйаара Камень-Рыболов диэн дэриэбинэҕэ баар 16871 №-дээх 60 туспа мотострелковай биригээдэҕэ, оттон Алексеева Диана уонна Куприянова Рая Артем куоракка 30986 №-дээх ВВС ПВО чааска уонна 62231/4 №-дээх эмиэ ВВС ПВО-ҕа киирсэр чаастарга айаннаатылар.

Таґырдьа кыґынын -20 кыраадыстан тымныйбат буолан, биґиги санаабытыгар, олус ичигэс. Саллааттарбыт сулууспалыыр чаастарыгар хамандыырдара уоппускаҕа сылдьар буолан, солбуйааччыта видеоҕа устарбытын кіІүллээбэтэҕэ. Бу байыаннай чааска отучча саха баар. Бары этэІІэ, бииргэ тутуґан, убай-быраат курдук сылдьаллар.

Бастакы хайысха

Артем куоракка Уссурийскайтан 1,5 чаас курдук айаннаан тиийдибит. Суолбут барыта түґүү-тахсыы. Бастаан 30986 №-дээх Алексеева Диана кэргэнэ сулууспалыыр чааґыгар тиийдибит. Чаас хамандыыра В.М. Куликов остолобуойга дьаґал биэрэн, саллааттар астарын эмиэ аґаатыбыт, минньигэс да минньигэс.

Сарсыныгар чаастарбытын видеоҕа устубуппут.

Саха саллааттара камераҕа уґуллалларыгар олус долгуйаллар, онон эҕэрдэлэрэ олус истиІ. Байыаннай чаастарын эргитэ сылдьан кірдірдүлэр. Маршировкалаан, байыаннай ырыаларын ыллаан иґитиннэрдилэр.

Байыаннай чаас остолобуойун сэбиэдиссэйин Наталья Викторовнаны кытта кэпсэттибит. Кини менюта күн ахсын уларыйа турарын, араас балыгы аҕалалларын туґунан кэпсээтэ. «Сорох саллаат дьиэтигэр да маннык аґы сиэбэт, аармыйаҕа кэлэн саІа боруобалаан үірээччи», — диир сэбиэдиссэй.

Подполковник А.П. Синицын саха саллааттара тулуурдаахтарын, кыахтаахтарын бэлиэтээтэ. Биир чааска Куприянова Рая кэргэнэ сулууспалыыр. Истребитель лүіччүктэри бэлэмнииллэр эбит. Манна саха саллааттара үксэ суоппар, сімілүітү хааччыйыыга улахан массыыналарынан сылдьаллар. Хамандыыр кіІүлүн ылбыт буоламмыт, байыаннай сімілүіттэри илэ кірдүбүт.

Иккис хайысха

Стручкова Анна уонна Иванова Евдокия ахсынньы 27 чыыґылатыттан Томмоттон пуойаска олорон Благовещенскайга туруммуппут. Икки күнүнэн тиийбиппит. Оптуобуґунан Екатеринославка кэлбиппит. Саха саллааттара КПП-га кірүстүлэр. Манна чаас устун кэрийэ сылдьан арааґы барытын кірдүбүт. Чайной иґигэр киирбиппит, Захаров Владислав диэн саха уола тіріібүт күнүн ыла олорор эбит. Биир дойдулаах саллааттарбытын кытта киирэн кэпсэтэн, интервью ылан, илдьэ тиийбит хаґыаттарбытын, сэмэй кэґиибитин туттардыбыт. Бу байыаннай чааска Саха сириттэн 70 саллаат баар. Салгыы Березовка сэлиэнньэтигэр кэргэттэрбит сулууспалыыр 20684 №-дээх инженернэй чаастарыгар тиийбиппит. КПП-га киирбиппитигэр, кэргэттэрбит Сивцев Денис уонна Иванов Игорь кэтэґэн аҕай тураллар этэ.

Олорор сирбитигэр малбытын уурбуппутун кэннэ подполковник Степин Владимир Вячеславович кэлэн байыаннай чаас иґин кэрийэ сылдьан кэпсээбитэ. Остолобуойдарыгар оруобуна киэґээІІи аґылыкка саллаатар уочараттыы туралларыгар түбэспиппит. Саллааттары кытта тэІІэ олорсон аґаатыбыт. Менюларыгар сарсыарда: хааґы, булочка, саахардаах чэй; эбиэккэ: мин, соркуой, салаат, хомпуот, килиэп; киэґэ: хортуосканы кытта балык, килиэп, чэй биэрэллэр эбит. Бу чааска Саха сириттэн 47 саллаат баар диэн хамандыыр сырдатта.

Ити курдук хамандыырдартан кіІүллэтэн, таптыыр кэргэттэрбитин кытта Благовещенскай куоракка дуоґуйа сынньанан тохсунньу 4 күнүгэр байыаннай чааспытыгар тіттірү тиийбиппит. Кэргэттэрбит хамандыырдарыгар подполковник Степин Владимир Вячеславовичка, майор Грубенков Олег Валерьевичка Сахабыт сириттэн кэґии оІостон илдьэ барбыт саха быґахтарын туттардыбыт. Олуґун сэІээрдилэр, үірдүлэр, махтаннылар.

Быйылгы СаІа дьыл биґиги олохпутугар хаґан да буолбатах интэриэґинэй бырааґынньык буолла! Таґырдьа -5 кыраадыс эрэ тымныы этэ.

Кэргэттэрбит сулууспалыы сылдьар сирдэрин-уоттарын, астарын-малларын илэ харахпытынан кірін, формаларын бэйэбитигэр мээрэйдээн, сири-дойдуну билэн-кірін кэлбиппититтэн олус үірэбит!

Биґиэхэ күүс-кімі буолбут Дьиэ кэргэн уонна Оҕо саас кэмитиэтин салайааччыта Алексей Егорович Сергучевка, Дьокуускайдааҕы тыа хаґаайыстыбатын академиятын ректора, Ил Түмэн дьокутаата Леонид Николаевич Владимировка; «СИТИМ» Медиа-біліх кэлэктиибигэр; «Якутск вечерний» хаґыат эрэдээксийэтигэр; Ил Түмэн дьокутаата Петр Степанович Федоровка; БойоІкуом Николай Александрович Тряпшаҕа; «Саха» НКИК-ҕа, кэрэспэдьиэн Иннокентий Михайлович Слепцовка; Хабаровскайдааҕы бэрэстэбиитэлистибэҕэ; Дьокуускай-Алдан-Дьокуускай маршрутунан таспыт суоппарбытыгар Устинов Андрей Дмитриевичкэ истиІ махталбытын тиэрдэбит! Бу 2011 сыл кинилэргэ, дьиэ кэргэннэригэр дьолу-соргуну, доруобуйаны, таґаарыылаах үлэни аҕаллын!

Биґигини vkontakte сайт «СОЛДАТКИ» диэн біліҕір булуоххутун сіп. Сүрэхтэрин аІаара аармыйаҕа сылдьар кыргыттары ыІырабыт, күүтэбит!

www.kyym.ru
31.01.2011 11:18 | оригинал статьи | просмотров: 21658