Дм.Медведевкэ ФСБ үлэһиттэрэ «Домодедоваҕа» тахсыбыт терагы ким оҥорбута, тэрийбитэ билиннэ диэн дакылааттаатылар. «Билигин бу дьону тутаттыы сылдьабыт» диэн ФСБ дириэктэрэ Александр Бортников этэр.
Бортников буруйдаахтар ааттарын эппэтэҕин да үрдүнэн, суруналыыстар кимин-тугун хасыһан таһаардылар. Ол курдук, "Домодедово" аэропорка тахсыбыт терагы (36 киһи өлбүтэ, 180 эчэйбитэ) 20 саастаах Ингушетия олохтооҕо Магомед Евлоев оҥорбут диэн буолла.
Евлоев аймахтара Али-Юрт сэлиэнньэҕэ Назрановскай оройуоҥҥа олороллор. Бу дьонтон ДНК анаалыһын ылбыттар уонна смертник тобоҕун кытары тэҥнээбиттэрэ үүт-үкчү буолан тахсыбыт. Евлоев баҕайы Али-Юрт сэлиэнньэҕэ кырдьык олоро сылдьыбытын уонна кэлин «харчы өлөрө» барбытын туһунан олохтоох баһылык бигэргэппит.
Теракт тахсыбытын кэннэ, биллэн туран, араллаан бөҕөтө таҕыста. Террористары порка киллэрбит буруйдаахтары көрдөөн бөҕөтө буоллулар, бэйэ-бэйэлэрин буруйдарын хостоһон бардылар. Дьиҥинэн, судургутук толкуйдаатахха, теракт тахсар төрүөтүн суох оҥоруохтаахтар этэ. Сэттэ уон сэттэ харабыл үрдүгэр оччо харабылы туруоран туһата суох.
Комментарии
Сообщение:
Отправить Отмена