Ил Түмэн вице-спикерэ, СӨ Олоҥхо уон сылын бэлэмнииргэ уонна ыытарга Национальнай тэрийэр кэмитиэт бэрэссэдээтэлэ, «Саха боотурдара» сиэрийэ сүрүннүүр редактора Александр Жирков олунньу 4 күнүгэр Таатта улууһун Игидэй бөһүөлэгэр «Мүлдьү Бөҕө» олоҥхо кинигэтин сүрэхтэниитигэр кытынна. Алексей Бояров сурукка киллэрбит олоҥхоһут Дмитрий Говоров «Бүдүрүйбэт Мүлдьү Бөҕө» олоҥхотун кинигэтин сүрэхтэниитэ Игидэйдээҕи культуура дьиэтигэр ыытылынна.
Саха сирин культууратын, үөрэҕириитин биир биллиилээх деятелэ, нарком, суруналыыс, тылбаасчыт А.Ф. Бояров 1896 сыллаахха Таатта улууһун Игидэй нэһилиэгэр төрөөбүтэ. Таатталар киэн туттар биир дойдулаахтарын уонна саха чулуу олоҥхоһута Д.М.Говоров үлэлэрин, ааттарын-суолларын иккистээн тилиннэрбит киһини Александр Жиркову кинигэ сүрэхтэниитигэр ытык ыалдьытынан ыҥырдылар.
Бу тэрээһиҥҥэ Бояров төрүт уус аймахтара, «Мүльдьү Бөҕө» рецензенэ, олоҥхо чинчийээччитэ, филологическай наука доктора Василий Илларионов, Таатта улууһун баһылыга Михаил Протодьяконов, улуус культураҕа управлениетын начальнига Лариса Неустроева, Игидэй нэһилиэгин баһылыга Николай Сивцев, улуус общественноһын бэрэстэбиитэллэрэ, ааҕааччылар, олохтоохтор кытыннылар.
Ил Түмэн пресс-сулууспатын иһитиннэриитигэр олоҕуран СИА кэпсиир.
Комментарии
Сообщение:
Отправить Отмена