Олунньу 7 күнүгэр, СӨ бырабыыталыстыбатын бэрэссэдээтэлэ Галина Данчикова Аллараа Бэстээххэ тырааныспар техникумун тутуу туһунан сүбэ мунньах ыытта. Мунньахха бырабыыталыстыба бэрэссэдээтэлин бастакы солбуйааччы Алексей Стручков, бырабыыталыстыба бэрэссэдээтэлин солбуйааччы Феодосия Габышева, СӨ наукаҕа уонна профессиональнай үөрэхтээһиҥҥэ миниистирэ Юрий Куприянов, үп миниистирэ Вадим Новиков, СӨ тутууга уонна тутуу матырыйаалларын бырамыысылыннаһын миниистирэ Сергей Дереповский кытыннылар.
СӨ наукаҕа уонна профессиональнай үөрэхтээһиҥҥэ миниистирэ Юрий Куприянов бэлиэтээбитинэн, 350 миэстэлээх, сыл аайы 150 устудьуону ылар, 250 миэстэлээх уопсайдаах саҥа техникум өрөспүүбүлүкэҕэ тимир суол уонна суол тырааныспарын салаатыгар анал идэлээх дьону бэлэмнээн таһаарыа.
Кини маннык идэлэр билиҥҥи кэмҥэ олус наадаларын ыйда, Аллараа Бэстээххэ тимир суол тигинээн кэллэҕинэ, 1200 кэриҥэ үлэ миэстэтэ тахсыа.
Техникуму тутуу 2008 с. саҕаламмыта. Бүгүҥҥү күҥҥэ үөрэх корпуһун тутуу үлэтэ былааннаахтык ыытыллар. Дьиэ ис-тас үлэтэ түмүктэнэн, быйыл балаҕан ыйын 15 күнүгэр үлэҕэ киллэрэр сорук турар.
Юрий Куприянов транспорт техникумугар инженердэри, преподавателлэри сүүмэрдээһин үлэтэ бара турарын эттэ.
2013-2014сс. диэри техникумҥа аҕыс саҥа идэ арыллара былааннанар.
СӨ Президенин уонна быраабыталыстыбатын пресс-сулууспата иһитиннэриитинэн СИА кэпсиир.
Комментарии
Сообщение:
Отправить Отмена