Олунньу 16-19 күннэригэр СӨ бырабыыталыстыбатын бэрэссэдээтэлин солбуйааччы Павел Маринычев салайыылаах делегация бырабыыталыстыба ааспыт сыллаах үлэтин-хамнаһын отчуоттуу Ленскэй улууґугар сылдьар. Сарсын, олунньу 18 күнүгэр, Ленскэйгэ оройуон Сэбиэтин дьокутааттара, улуус салалтата, тэрилтэ салайааччылара уонна общественность кыттыылаах түмүктүүр мунньах буолуохтаах.
Бырабыыталыстыба отчуотун кэмигэр Витим уонна Пеледуй бөһүөлэктэригэр гаас киллэрии боппуруоһа быһаарыллыа.
Ону таһынан Ленскэйгэ аэропорт уонна спортивнай комплекс тутуутун, куорат систиэмэлэрин саҥардыы, ПУ-20 баазатыгар үөрэх комбинатын тэрийии туһунан кэпсэтиэхтэрэ. Бу туһунан СИА кэпсиир.
Комментарии
Сообщение:
Отправить Отмена