Өймөкөөҥҥө олунньу 20 күнүттэн саҕалаан муос тостор тымныыта турар. Бэҕэһээ, олунньу 22 күнүгэр, 60 кыраадыс тымныы буолбут диэн, халлааны кэтээн көрөөччүлэр иһитиннэрэллэр. Саха сирин хоту улуустарыгар – Анаабырга уонна Булуҥҥа – буурҕа ытыллан олорор. Сорох сирдэринэн сөкүүндэҕэ 35 миэтэрэ күүстээх тыал үрүөн сөп.
Оттон Саха сирин соҕуруу өттүгэр, Өлүөнэ орто сүүрүгэр, Дьааҥы уонна Индигиир икки ардыгар нуорманы 1,5 төгүл куоһарар хаар түспүт. Онон ити сирдэргэ сааскы халаан кутталы үөскэтиэн сөп. Урут кырдьаҕастар кубулҕаттаах кулун тутар ый дииллэр этэ, билигин омуннаах олунньу ый буолбут.
Комментарии
Сообщение:
Отправить Отмена