Бу күннэргэ Ксенофонт Уткин «Духовность: Вызов Времени» диэн саҥа кинигэтэ бэчээттэнэн таҕыста.
СӨ Агропромышленнай холбоһугун каадыры бэлэмниир, идэни үрдэтэр институтун уонна «Тулаһа» духуобунас киинин көмөтүнэн, «Сфера» кинигэ кыһата аҕыйах ахсаанынан таһаарда. Кинигэҕэ үөрэх ситимигэр, үрдүк үөрэх кыһаларыгар сиэргэ-майгыга сыһыаннаах иитии хайысхалара түөрүйэ уонна быраактыка өттүлэриттэн сырдатыллар. Профессор К.Д. Уткин үөрэнээччилэрэ К.Е. Гагаринаны, Г.Е. Саввинованы кытары духуобунас кыһалҕаларынан утумнаахтык дьарыктанан, бэйэлэрэ айбыт бырагыраамаларынан устудьуоннары кытта айымньылаахтык үлэлээбиттэрэ хас да сыл буолла.
Маны сэргэ К.Д. Уткин билимҥэ (наукаҕа) үлэлэрин хомуурунньугун сэттис кинигэтэ Владивостоктан кэлэн, саҥа тарҕанан эрэр. Кэнники икки үлэтин олоҥхоҕо, өй-санаа, итэҕэл көстүүлэрин араастаан ырытыыга анаабыт. Бэрт сотору кэминэн ахсыс, тохсус кинигэлэр бэчээттэнэн кэлэллэрэ күүтүллэр. С.Новгородов аатынан «Бичик» национальнай кинигэ кыһата кэлэр сылларга профессор 16 кинигэтин ситэрэргэ соруктанан үлэлиир.
Комментарии
Сообщение:
Отправить Отмена
Уважаю Ксенофонта Дмитриевича. Молодец!!! Ба5арабын дьолу-соргуну!!!