Бэҕэһээ, кулун тутар 1 күнүгэр, Сбербаан Саха сиринээҕи салаатын салайааччыта Александр Старков өрөспүүбүлүкэ бырабыыталыстыбатын бэрэссэдээтэлэ Галина Данчиковалыын көрүстэ. Сбербаан салайааччыта иһитиннэрбитинэн, өрөспүүбүлүкэҕэ Сбербаан саҥа бырагыраамата бэйэтин үлэтин саҕалыыр. Саҥа бырагыраамаҕа этиллэринэн, нэһилиэнньэҕэ олорор дьиэни атыылаһыыга сылга 8%-наах төлөбүрдээх кредит бэриллэр. Ипотека кредитын ыларга интэриэстээх киһи сайабылыанньата 8 күн иһигэр көрүллэн, быһаарыллар.

Сбербаан бу акцията бэйэтин үлэтин кулун тутар 8 күнүгэр саҕалыыр уонна бэс ыйын 30 күнүгэр диэри салҕанар. Кредит 8 сылга бэриллэр. Бу бэртээхэй бырагыраамаҕа киирэргэ саамай наадалаах уонна кылаабынай усулуобуйанан – атыылаһар дьиэ уопсай сууматыттан 50% илиигэр баар буолуохтаах. Бу туһунан президент уонна бырабыыталыстыба пресс-сулууспата иһитиннэрэр.

kyym.sakha.ru
02.03.2011 10:21 | оригинал статьи | просмотров: 18083