Кулун тутар 3 күнүгэр «Бэчээт дьиэтин» пресс-киинигэр саҥа сурунаал сүрэхтэниитэ буолла. «Ситим» медиа бөлөх сааскы ылааҥы күннэргэ саҥа сурунаал таһаарда. «Здоровье есть!» сурунаал ааҕааччыларга күндү бэлэх буолуоҕа. Манна Саха сиригэр доруобуйа эйгэтигэр туох-ханнык саҥа хамсааһын тахсыбытын, өҥө оҥоһулларын, эти-сиини хайдах чэбдигирдиэххэ сөбүн туһунан кэпсэниэҕэ. Саҥа сокуоннар, чэпчэтиилэр тахсыбыттарын дьон кэмигэр билэн, туһанан иһиэхтээх диэн саҥа сурунаал эрэдээксийэтэ этэр.
Сүрэхтэниигэ «Ситим» медиа бөлөх генеральнай дириэктэрэ Мария Христофорова, сурунаал эрэдээктэрэ Ирина Парникова, Дьокуускайдааҕы базовай медколледж дириэктэрэ Дмитрий Алексеев онтон да атын доруобуйа харыстабылыгар үтүөлээх-өҥөлөөх дьон соргу тылы анаатылар. Саҥа сурунаал ааҕааччытын булуо, хас биирдии дьиэҕэ кэтэһиилээх ыалдьыт буолуо диэн эрэнэллэрин эттилэр.
Комментарии
Сообщение:
Отправить Отмена