Былырыын, оруобуна баччаларга, Кытайга үөрэнэ сылдьар Чурапчы оҕото Саша Ершов сураҕа суох сүппүт диэн буолбута. Саша Харбиннааҕы инженернэй университет бастакы кууруһун устудьуона этэ. 18-таах уол сүппүтүн кэннэ биир ый ааспытын кэннэ, муус устарга, Сунгари өрүс кытылыттан өлүгүн булаллар. Ол кэмҥэ, кыра туохтан эрэ сылтахтанан кытай полицейскайдара кыраныыссаҕа Саша однокурсниктарын туталлар. Кэлин биллибитинэн, бу уолаттар – Гоша О. 1989 с.т. (Уус Алдан) уонна С. 1991 с.т. (Таатта) ол ыар буруйга уорбаланан хаайыллаллар. Саха сирин барытын аймаабыт быһылаан кулун тутар 1 күнүгэр түмүктэннэ.
Гоша О. уонна С. Харбиннааҕы университеттан уһуллан баран, биир дойдулаах уолаттарын түүрэйдээн харчыланан уонна төрөппүттэригэр «үөрэнэ сылдьабыт» диэн албыннаан омук сиригэр ускул-тэскил сылдьыбыттар. Саша Ершовтуун биир хоско олорбут уол кэпсииринэн, оннук күүлэй тэбээччи уолаттар элбэхтэрэ үһү. Биһиэхэ холоотоххо, быдан чэпчэки сыаналаах кытай олоҕор көрүлүүргэ даҕаны төрөппүттэр ыытар харчылара олус уһаабат эбит. Инньэ гынан, үөрдүһэ сылдьан биир дойдулаах уолаттарын сордууллар эбит. Сашаны кытары олорор уол Саҥа дьылга дьиэтигэр кэлэригэр үнтү кырбанан, сирэйэ-этэ күөх баламах буолан кэлбит. Төрөппүттэрэ, биллэн турар, ыйыталаһа сатаабыттар даҕаны, уоллара тугу да хоруйдаабатах. Арай: «Уонна онно барбаппын!» -- диэн үөрэҕэр төннөрүттэн кыккыраччы аккаастанан кэбиспит. Оттон Саша төннүбүт. Уонна итинник кырыктаахтык суорума суолланнаҕа…
Силиэстийэ сылы быһа барда. Ол кэмигэр уорбаланааччылар Харбиҥҥа, быстах кэмҥэ хараллар хаайыытыгар сыттылар. Кытай суута-сокуона кытаанах. Ол иһин төрөппүттэри, аймахтары чугаһаппакка эрэ силиэстийэлээтилэр. Кытай полицейскайдара этэллэринэн, буруйдаахтар уолу кырбыыллара видеоҕа уһуллан хаалбыт. Гоша О., хара маҥнайгыттан буруйун билиммит диэн буолбута, уонна кини кэпсээнинэн өлүгү булбуттар. Суукка сүрүн буруйу Гоша О. сүкпүт, оттон С. онно кыттыһааччы диэн буолбут.
Официальнай иһитиннэрии суох буолан, араас сурах-садьык тарҕаммыта. Бастаан уолаттары «күүстэринэн, соҥноон, буруйдаан эрэллэр» диэн араллаан тахсыбыта. Онтон, аны, иккис уол – С. тойон оҕото буолан, буруйу барытын Гоша О. түһэрэн эрэллэр диэн сурах иһиллибитэ. Онон, дьиҥ хартыынаны билээри, суруналыыстар Кытай бөдөҥ куоратыгар Шэньяҥҥа баар РФ Генеральнай консульствотыгар төлөппүөннэһэн эрэ билэр кыахтаахтара. Ону даҕаны иһитиннэрии биир-икки тылынан муҥурданара.
Силиэстийэ былырыын алтынньы 21 күнүгэр түмүктэммит. Харбин норуодунай прокуратурата Гоше О.-ну «умышленное причинение вреда», С.-ы «пособничество в сокрытии улик» ыстатыйанан буруйдаабыт. Дьыаланы Харбин бастакы сүһүөхтээх норуодунай суута көрбүт. Уонна кулун тутар 1 күнүгэр эрэ уурааҕын таһаарбыт: Гоша О. үйэтин сааһын тухары хаайыыга ууруллубут, С. — икки сылы ылбыт.
Комментарии
Сообщение:
Отправить Отмена
-
10.177.56.8914.03.11 21:46 Автор: саха итиригэ-печальная картина
-
10.160.92.10915.03.11 04:24 Автор: ППП
-
10.174.69.9115.03.11 22:01 Автор: кыбыстыылаах суол
-
213.129.60.2617.03.11 05:35 Автор: уйбаан
↑ наверхЭдэр саха уолаттара ханна ба5арар ити курдук ньамахтана сылдьар буолааччылар, онноо5ор Кытай курдук сиргэ баппаттар. Арыгыны уйумматтарын кыайан хонтуруолламмматтар, таттаран туран иhэллэр. Иhэн баран дьэ мээрилээн, истирэкэлээн ыыра бараллар. Эбэhээт биир эмэ киhиэххэ ыйаастан баран охсуhуута суох арахсааччылара суох, киннэрэ диэн сурдээх буолар. Ол гынан баран бэйэтин эрэ омуктарыгар итинник сыhыаннаахтар, атын хара омукттарга наhаа диэн баhыттараллар, молтохторо диэн сурдээх буолар. Киhи кыбыстар дьоно.
Ыччаты кыра эрдэхтэриттэн арыгыны утарсар гына иитиэххэ наада.Маны тороппуттэр бастаан толкуйдуохтаахтар, араас арыгылаах бырааhынньыгы тохтотуохтаахтар, атыннык бэлиэтиэхтээхтэр. О5о диэн ГУБКА буолла, тугу корбутун утуктэр, ону кэлин оло5ор туттар. Уонна тороппуттэрин кытта бииргэ арыгылыырыгар тиийэр. Кэлин ыал буолла5ына ол традицияны салгыыр. Учугэйи эрэ инэринэрэ буоллар, ыччат уларыйыа этэ. Ити барыта иитии проблемата.
Дью бу норуот быhыытынан куса5ан, мелтех норуот буоларбытын атын омуктарга кердердехпут. Биир сана улаатан иhэр о5о оло5о быhынна, икки уолаттар эhиннилэр... А5ыйах ахсааннаах сахалар сылтан-сыл ити курдук эстиэхпит турда5а... Манна тереппуттэр улахан буруйдаахтар! Кинилэри эмиэ сууттуохха!
Ханна наадалаах проблема5а сахалар ньимийэн баран олороллор. Ким да кыттыан ба5арбат ханна наадалаах кэпсэтиигэ. Итинтэн костор сахалар ньэгэй акаары быhыыбыт. Наада суох арыгылааhыны, корсуулээhини, блядствоны, икки атах ардынаа5ы, туулээх органнары ykt.ru -га собулээн ырытаргытыгар дьэ бэркит. Дьиннээх проблеманы баар куhа5аны сарылыы тардан дьуулгэ таhааран иhиэхххэ баар эбит. Итинник быhыы буолбатын туhугар, улаатан иhэр о5олор тустарыгар ким эмэ тугу эрэ этиниэ этэ да мэлигэр.