Кулун тутар 17 күнүгэр куорат 3№-дээх балыыһатыгар «Центральный архив медицинских изображений» («ЦАМИ») диэн саҥа систиэмэ олохтонор. Куорат доруобуйа харыстабылыгар Управленията маннык систиэмэни бары балыыһаларга киллэрэр соруктаах. «ЦАМИ» - ыарыһахтары эмтииргэ уонна ыарыы диагноһын сөпкө быһаарарга туһуламмыт саҥа систиэмэ буолар.
Ааспыт сылга Дьокуускай балыыһаларыгар «Электроннай регистратура» олохтоммута,бу систиэмэ салгыы сайдан, билигин «Центральный архив медицинских изображений» (ЦАМИ) диэн систиэмэ холбонно.
Бу систиэмэ көмөтүнэн ыарыһах УЗИ-тын, рентген-снимогын, томографиятын атын сиргэ баар быраас көрөр, туһанар кыахтаах. Ыарыһах архива өр кэмҥэ бу систиэмэ иһигэр хараллар. Ону таһынан быраастар электроннай көрүҥүнэн ыарыы историятын, араас дааннайдары атастаһар кыахтаналлар. Телемедицина көмөтүнэн пациент туругун туһунан кэпсэтиэхтэрин, сүбэлэһиэхтэрин сөп.
Медиктэр этэллэринэн, бу систиэмэ нөҥүө киһи медицинскэй өҥөнү түргэнник уонна хаачыстыбалаахтык ылар кыахтанар, ону таһынан диагностика сыаната чэпчиир, хаттаан көрдөрүү ахсаана аччыан сөп. Бу туһунан СИА кэпсиир.
Комментарии
Сообщение:
Отправить Отмена