Быйылгы халаан уутун этэҥҥэ аhарар сыалтан кулун тутар 21 күнүттэн Арассыыйа ыксаллаах быhыыга-майгыга министиэристибэтин өрөспүүбүлүкэтээҕи салаата сэрэтэр үлэни ыытар. Бу нэдиэлэ устата сулууспа үлэhиттэрэ Саха сирин бары улуустара халаан уутугар төhө бэлэмнээхтэрин бэрэбиэркэлиэхтэрэ.
Улуустарга тиийэн улуус тэрилтэлэрин тустаах сулууспаларын кытары халаан уутун аhарыы туhунан сүбэ мунньах ыытыахтара. Ону таhынан кэлэр муус устар ыйга үлэhиттэр Сангаартан Витимҥэ диэри Өлүөнэ өрүс мууhа төhө халыҥын көрүөхтэрэ-истиэхтэрэ, харыы үөскүөн сөптөөх сирдэрин быhаарыахтара диэн СИА ыксаллаах быhыы-майгы министиэристибэтин пресс-сулууспатын иhитиннэриитигэр сигэнэн кэпсиир.
Комментарии
Сообщение:
Отправить Отмена