Улуу Эбэбитин туоруур муоста урукку бырайыага быдан ордук этэ. Ороскуота кыра буолуо дииллэр да, уу анныгар тоҥ буору хаһан куоллараан (тоннель) оҥордоххо, балтараа төгүл уһуоҕа. Өрүһү үрдүнэн ыыттахха, тимирэ элбиэ диэн саарыыллар быһыылаах. Оттон уу анныгар буора сиҥнибэтин диэн бөҕөргөтөргө төһөлөөх тимир барыай? Ол хаһыллыбыт буор ханна сүөкэнэр? Арай арҕаа мыраан куоһааҕар быһыт курдук кутан кэбистэххэ, куорат туттубут кирдээх уутун харайар күөлү оҥоруохха сөп.
Араадьыйаҕа: «Пуойас богуоннарын тугунан толорон ыытабыт?» — диэн ыйыппыттарыгар «толкуйдуохпут» эрэ диэбиттэрэ астыга суох. Ол кэриэтин тимир суолу туораппакка, массыына туоруур муостатын туппут дөбөҥ буолуо. Оччоҕо саас, сайын, күһүн хаайтарыы суох буолуо, дьон, тиэхиньикэ да сыыһа туттаран былдьаныыта тохтуо.
Балысхан (глобальнай) итийии кэлээри турар диэн аан дойду учуонайдара дьиксинэллэрин үрдүнэн, итинник харбаатынай (рискованнай) бырайыак ситэ толкуйдамматах курдук саныыбын. Өскөтүн ирбэт тоҥмутун дьөлө хаһары көҥүллүүр буоллахтарына, баччааҥҥа диэри сатыы дьон киин куорат уулуссаларын аннынан ааһар гына тоҕо оҥорботторуй? Итиннэ ким хоруйдуо эбитэ буолла?
Н.КОКОРЕВ,
тыыл бэтэрээнэ,
Нам, Хамаҕатта.
Комментарии
Сообщение:
Отправить Отмена