Бу күннэргэ Ньурба Маалыкайын таһыгар өлөрүллүбүт бөрөттөн ииримтийэр ыарыыны буллулар. Онон бу ыарыынан дьиэ кыыллара ыалдьар кутталлаахтар. Бу бэрт сэрэхтээх, сыстыганнаах ыарыы буолара биллэр. Кыылларга эрэ буолбакка, дьоҥҥо эмиэ олус кутталлаах. Өлөрүллүбүт бөрө төбөтүн Дьокуускайдааҕы ветеринарнай управление чинчийэр лабараториятыгар үөрэтэн көрөн баран ииримтийиинэн ыалдьа сылдьыбыт бөрө буоларын бигэргэппиттэр.
Улуустааҕы ветеринарнай управление улэһиттэрэ анал хамыыһыйа тэрийэн ыарыы булуллубут сиригэр ыраастыыр уонна эмтиир улэни ыыппыттар. Чугас эргин дьиэ кыыллара ииримтийиини утары вакцинацияламмыттар. Билигин даҕаны улуустааҕы ветеринарнай салаа чинчийэр лабораториятыгар Маалыкай уонна Антоновка нэһилиэктэриттэн сэттэ бөрө төбөтө кэлэн сытар. Балар бары, үчүгэйдик хараллан-хаппахчыланан, Дьокуускай куоракка чинчийиигэ барыахтаахтар. Билигин Ньурба улууһугар ииримтийии ыарыыта тарҕамматын туһугар күүстээх үлэ барар. Дьиэ кыыллара быйылгы дьылга төһө да вакцинацияланан иммунитеттарын туруга үчүгэйин үрдунэн, ыарыы булуллубут Бордоҥ нэһилиэгэр ордук болҕомто ууруллар.
Комментарии
Сообщение:
Отправить Отмена
-
213.129.57.11806.04.11 15:02 Автор: Елена
↑ наверхОпасно оказывается, прививать надо всех собак поголовно, особенно охотничьих. Человек заразиться сразу на тот свет отправиться. Помоему по Нюрбинскому улусу каждый год вспышка Бешенства.