Быйыл, олунньу 14 күнүгэр, Мэҥэ Хаҥалас суута улуустааҕы Сэбиэт дьокутаатыгар О. РФ ХК 159 ыст. 4 ч. холуобунай дьыаланы көрөн, бириигэбэрин иһитиннэрбитэ. Бу холуобунай дьыала оройуон борокуруора бэрэбиэркэтин түмүгүнэн көбүтүллүбүтэ. Мэлдьи буоларын курдук, чунуобунньуктар тус дуоһунастарын туһанан кыбартыыраны кыбартыыранан сойбоппуттар. Борокуруор бэрэбиэркэтин кэнниттэн анал сыаллаах федеральнай бырагыраамаҕа сокуону кэһии тахсыбыта биллибит.

Бу дьокутаат кэргэнин аатыгар Аллараа Бэстээххэ үс хостоох кыбартыыралааҕын үрдүнэн, бүддьүөттэн 1 250 000 солкуобай субсидия (федеральнай бүддьүөттэн – 525 т. с., өрөспүүбүлүкэ бүддьүөтүттэн 700 т.с.) ылбыт. Обургуҥ бу ылбыт харчытынан Аллараа Бэстээххэ чааһынай дьиэни туттубут. Мэҥэ Хаҥалас суута дьокутааты РФ ХК 159 ыст. 4 ч. буруйдааҕынан ааҕан биэс сылга хаайарга диэн уураахтаабыт. РФ ХК 73 ыст. эбии киллэрэн икки сылга көннөрүнэригэр диэн буолбут. Дьокутааппыт маны сөбүлээбэккэ Үрдүкү суукка ааһыммыт. Ону баара, Үрдүкү суут холуобунай дьыаланы көрөр кэллиэгийэтэ кулун тутар 31 күнүгэр үҥсүүнү көрөн баран, бириигэбэри оннунан хаалларбыт.

kyym.sakha.ru
11.04.2011 15:58 | оригинал статьи | просмотров: 17694