Бүгүн, муус устар 12 күнүгэр, өрөспүүбүлүкэ президенэ Егор Борисов Нам улууһугар тиийдэ. Манна президент киин улуустар делегацияларын кытары тыа хаһаайыстыбатын сайыннарыы боппуруостарыгар мунньах ыытар. Мунньахха СӨ тыа хаһаайыстыбатын миниистирин бастакы солбуйааччы Николай Попов, Ил Түмэн аграрнай политикаҕа уонна тыа сирин бастайааннай кэмитиэтин бэрэссэдээтэлэ Дмитрий Наумов, Нам, Хаҥалас уонна Өлүөхүмэ бэрэстэбиитэллэрэ кытталлара күүтүллэр.
Маны таһынан тыа хаһаайыстыбатын бородууксуйаларын быыстапката тэриллэрэ былааннанар.
Бу туһунан СИА СӨ президенин уонна бырабыыталыстыбатын пресс-сулууспата иһитиннэриитигэр сигэнэн кэпсиир.
Комментарии
Сообщение:
Отправить Отмена