Ааспыт сыл түмүктэрин таһаарыы үгэнэ. РФ премьер-миниистирэ В.Путин дойду Пенсионнай фондатын үлэһиттэрин кытары быһа сибээскэ тахсан кэпсэттэ.
Путин «биһиэхэ эрэ кризис кэмигэр пенсия, пособие үрдээтэ» диэн эттэ. 2010 сылга үлэ пенсиятын орто кээмэйэ 45% үрдээбит. ПФ үлэтэ былырыын туох да моһоло, харгыһа суох барбытын атын да миниистирдэр улаханнык дуоһуйан олорон бэлиэтээтилэр. Путин, быйыл олунньуттан үлэ пенсията 8,8% үрдээбитинэн эмиэ күөн тутунна. Инньэ гынан, орто пенсия 8 865 солк. буолбут...
Бу мунньахха Пенсионнай фонда салайааччыта Антон Дроздов премьер-миниистиртэн, правительствоттан ийэ хаппытаалын харчытын туттуутун ураты кытаанах хонтуруолга ылыҥ диэн көрдөстүлэр. «Бүтэһик кэмҥэ ийэ хапытаалын ылар туһуттан элбэх сүүлүк үөдүйэн таҕыста» диэн салайааччылар этэллэр. Буолумуна! Судаарыстыба биэрэр-биэрбэт икки ардынан дьаһаллары ыла олордоҕуна, дьон виртуальнай харчыны уу харчыга кубулутаары араастаан сордонон эрдэҕэ. Сүгүн-саҕын, онон-манан эргиппэккэ-урбаппакка, ийэ хапытаалын туттары судургутуохтарын оннугар, өссө ону-маны толкуйдаатахтарына, сүүлүктэргэ эгэ эрэ буолуоҕа. Улахан бырыһыаҥҥа уу харчыга кубулутар үүтү-хайаҕаһы син биир булуохтара.
Комментарии
Сообщение:
Отправить Отмена