14019СӨ Государственнай Мунньаҕын (Ил Түмэн) XXVI уочараттаах пленарнай мунньаҕар парламентарийдар «СӨ Общественнай палататын туһунан» сокуон барылын иккис ааҕыыга ылыннылар. Бу сокуон барыла СӨ президенэ Егор Борисов көҕүлээһинэ буола

Ил Түмэн пресс-сулууспата иһитиннэрэринэн, бу сокуон барыла Ил Түмэн ааспыт сүүрбэ бэһис пленарнай мунньаҕар бастакы ааҕыыны ааспыта. Докумуон улахан сэҥээриини ылбыта.

Саха сирин Общественнай палатата өрөспүүбүлүкэҕэ олорор Российскай Федерация гражданнара, общественнай холбоһуктар онтон да атын тэрилтэлэр судаарыстыбаннай былаас уонна олохтоох бэйэни салайыныы (ОБС) органнарын кытта хардарыта дьайсыыларын хааччыйыыга, гражданнар общественнай суолталаах сокуоннай интэриэстэрин учуоттааһыҥҥа, кинилэр бырааптарын уонна көҥүллэрин, регион социальнай-экономическэй сайдыытын ордук суолталаах боппуруостарын олоххо киллэриигэ ыытар судаарыстыба политикатын олохтуурга общественнай холбоһуктар бырааптарын учуоттааһыҥҥа, судаарыстыбаннай былаас уонна ОБС органнарын үлэтигэр общественнай хонтуруолу олохтооһуҥҥа, гражданскай уопсастыба сайдыытыгар туһаайыллан тэриллэр. Общественнай палата уон үс чилиэннээх буолар: Саха сирин президенин бигэргэтиитинэн судаарыстыба уонна общество иннигэр ураты өҥөлөөх 15 гражданин, итиэннэ 15 гражданин – бүтүн Россиятааҕы, регионнар икки ардыларынааҕы, өрөспүүбүлүкэтээҕи уонна олохтоох общественнай холбоһуктартан, итиэннэ Саха сиригэр үлэлиир тэрилтэлэр холбоһуктарыттан. Общественнай палата чилиэннэрэ босхоломмот уонна төлөбүрэ суох төрүккэ олоҕуран үлэлиэхтээхтэр.

Сокуон барылынан Общественнай палата үлэтэ быһаарыллар, ону тэҥэ, тэрийэр, иһитиннэрэр-көрдөрөр уонна материальнай-техническэй үлэтин хааччыйыыта быһаарыллар. Сокуон барыла 30 ыстатыйалаах.

Бу сокуон олоххо киириитэ Саха сирин сударыстыбаннай бюджетыттан эбии үбү эрэйэр. Общественнай палата үлэтин материальнай- техническэй өттүнэн хааччыйыы президент уонна бырабыыталыстыба Администрациятынан ыытыллыахтаах.

Сокуон барыла общественнай тэрилтэлэр, олор истэригэр, президент уонна бырабыыталыстыба иһинэн Общественнай-консультативнай сүбэ этиилэрин учуоттаан туран оҥоһулунна. Барыл бары тустаах государственнай органнартан сөбүлэҥи ылла.

Сокуон барылын иккис ааҕыыга көрүүгэ ылыллыбыт уонна ылыллыбатах көннөрүүлэр таблицалара бэлэмнэннэ. Ольга Макиенкоттан, Оксана Винокуроваттан уонна Эрнст Березкинтан барыта 13 көннөрүү киирбитэ.

Куоластааһын түмүгүнэн сокуон ылылынна.

kyym.sakha.ru
15.04.2011 09:08 | оригинал статьи | просмотров: 17926