Билиҥҥи туругунан тыа хаһаайыстыбатын салаатыгар үлэлээччилэр орто хамнастарын кээмэйэ өрөспүүбүлүкэ хамнаһын орто көрдөрүүтүттэн үс бүк кыра.
Ону да, ыстатыыстыка сыыппарата этэринэн, ол 9436 солк. буолбут. Ол иһигэр чопчу ыанньыксыт киэнэ — 9315 солк., сүөһү көрөөччү — 7677 солк.
Оттон дьиҥ олоххо ити сыыппара букатын да кыра. Бу туһунан Бүлүүгэ, Майаҕа уонна Намҥа буолбут көрсүһүүгэ кэлбит дьон аһаҕастык эттилэр. Сэрэйдэххэ, үгүөрү хамнастаах менеджердэр, тыа хаһаайыстыбатын испэсэлиистэрин хамнаһа орто көрдөрүүгэ ботуччу эбэн эрдэҕэ. Оттон бэрэсидьиэн Анал этиитигэр ыанньыксыт хамнаһа 15 тыһ. түспэтин ирдээбитэ. Ирдиир даҕаны.
Онон тыа үлэһитин хамнаһы үрдэтиигэ быһаччы сыһыаннаах салайааччылар үлэни-хамнаһы тэтимирдиэхтэрин наада.
Комментарии
Сообщение:
Отправить Отмена